[المقدمة]
سيداتي فلتكن أشجار أقلعها لأصنع من سيقانها سفينة
تنقلني في بحر الأحبار إلى كعبة قريش لأضيف معلقتي الوحيدة

[المقطع الأول]
فاكرينها جملة ينطقوها يقوموا يخشوا الجنة
على كده بقالي بتقييمهم سبع سنين بتسلى
ما قولتش مش موجود، قولت إنهم كذبوا لما
من غير ما يشوفوه في حاجة شهدوا على وجوده للعامة
عشان تعتنق دين زي الإسلام، معجزته كتاب
محتاج تدقق فيه، تتأكد إنه مليئ بمعجزات
بعد كده إنت قادر تشهد للعامة إن الخالق
أوحى بالكتاب ده للرسول كمرجع دين كامل
قولتلك تبدأ التفكير من أقوى عرض عرضه
مش تطلع أرنب أبيض من بورنيطة سودا برضه
في عصايا، في موناليزا، في طوفان وفي سفينة
مش كل الجمل اللي إنت مش فاهمها نفس القيمة
الطريق اللي بيكوا بجريه لازم بعدي تكملوه
كونكوا ما غيرتوش إيقاعي ما ينفيش إنكوا بطئتوه
ما تقلقوش هسيب كفاية، محتاج عقول ضدي ومعايا
لولا إن التفسير إتطور كان زمانها خلاص مش آية

[اللازمة]
رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فما عندوش من الدجال مناعة
هتلاقي في سورة الكهف بس فصول من علم الساعة
[المقطع الثاني]
الكل لازم يغرق، الطوفان أنا اللي شربته
أنا آسف أنا أقل واحد فيهم إنت ساعدته
ده وحي شيطان الجحود، أنا أساعد أبرهة على إنه يتوب
آسف كنت ناسي إنه لو عجل فهما مش يهود
مؤمن بفكرة واحدة، الحساب، ودي حاجة بتسمحلك تنام
في أمان مدى ثقتك في كمال أو رحمة اللي أعتبرته إله
ده الكافر لقى نفسه في نقد كل كلمة إتقالت
إنت في عالم وأنا في عالم وبيجمعنا عالم تالت
ما جاش أمر شفوي، شعوري أبوي، إخترت اليدوي
أول مشبة به بييجي في بالي عادة بدوي
الفكرة تبان لوهلة صعبة رغم كونها سهلة
فكر، دول أغبياء وجهلة، دايمًا السما بتندهلك
إختيارات بمدى سوء، طلب وعرض السوق
قادرة تغرق كوكب واللي زيي ينجى في بطن حوت
يمكن ما ألحقش أقتلها، دى تكهناتك إنت
شخص زيي ع الأقل أكيد عارف هيموت إمتى

[اللازمة]
رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فما عندوش من الدجال مناعة
هتلاقي في سورة الكهف بس فصول من علم الساعة