[المقطع الأول]
لكل حرف معنى إذا جمعنا لغة الضاد
يصعب عليا أشوفكوا كل حروفكم اعتباط
سيبت الشعر ليهم، جيت بفكر شعري ليكوا
لأجل ما أضيف العمق يصير بديل لسطحية أغانيكوا
تسع سنين، ورقة وقلم، زهق ما بزهقش
شفت في وسطكوا جهل، ضعف، قلمكوا في لغتي خدش
فرابكوا ليه ما شافش نور؟ عشان ما يستحقش
كفان عن الفان في غير مايك ما فرقتش
الفكرة مش موهبة، الفكرة إن إنتوا كده
الفكرة في إنه مش بحار في البحر بدون مركبة
اليه يه والألف ألف، لو الترتيب بيختلف
فالمختلف صاحب تيار، لكن الشبيه ينجرف
تقاطع الشعر مع الفلسفة على بيتاتكوا ده أنا
بينكوا ورافض تصنيفكوا مدة طالت عن السنة
وسبت الومضة، في تفسيرات كلماتي الغامضة
تفسير البار التاني في كورس أنا إهانة صامتة

[اللازمة]
هتفوت سنين ويفسرولي جمل ما بتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي، روح لسطوره الناعمة
سطوري الجارحة أعلى من إستيعاب جمهوره الأعمى
هتفوت سنين ويفسرولي جمل ما بتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي، روح لسطوره الناعمة
سطوري الجارحة أعلى من إستيعاب جمهوره الأعمى
[المقطع الثاني]
عاتبت ورقتي، كرمشتها، نسيت فلسفتي
شفت بأم عيني ناس هدفها أدفن رسالتي
السفسطائي إتلقبت، فإنطوائي، ساعتها إخترت
ناقشت الفكرة، كفرتوتي مع إني لما عطشت
شربت الكفر فترة لكن ما إستحلتش طعمه
التفسيرات الناقصة سخرها الإلحاد لطاعته
عاشرت القوم بس يوم ما تفسيراتي إكتملت
روحي شدت نفسي، نفس النفس عليهم قبلت
وبعد سابع مقالة، جت فكرة الإستقالة
فقفلت مدوناتي بعد نتيجة مش بطالة
يدق تاني الشعر بابي، قلت أنا موجود
لقيت ألحانكوا بتنده قرب أكتر للجمهور
سابقت الزمن، لكن لكل تعب تمن
وكفاية تعيش سطور حتى وصاحبها في حضن الكفن
فإسالني ليه رفضت أتصنف منكوا؟ مش بتعالي
مجموع أوائل الحروف في اللي فات إجابة

[اللازمة]
هتفوت سنين ويفسرولي جمل ما بتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي، روح لسطوره الناعمة
سطوري الجارحة أعلى من إستيعاب جمهوره الأعمى
هتفوت سنين ويفسرولي جمل ما بتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي، روح لسطوره الناعمة
سطوري الجارحة أعلى من إستيعاب جمهوره الأعمى