[المقطع الأول]
حاطط في حساباتي كل حاجة وبرضه بتيجي برة
لو أعمى ضرب قدي ع الهدف هيصيبه مرة
قالت مش همشي بس عينيها كانت بتقول مضطرة
مكملتش ردم عشان إيدي بتتحرك
فيكي جبال وعود تخس تل وماله
كارهين عالمنا بقلب لإنك لينا كون بحاله
جميع آلهة الفن ما يجلسوش في وجودك
ملوك ما تهابش كسرى لكن تهاب مولودك

[اللازمة]
منحتيني البداية
قلت إجعليلي آية
قلتلي عام من الإنتظار لكل يوم معايا
عايشين في عرض البحر
يادوب بنرمي الشبك
ما إحناش ضامنين عشانا
ملناش كلام ع السمك
وبيني وبينك قلنا كلام مقلناهوش في العلن
مش أي أي برضه، ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت

[المقطع الثاني]
بطلت أقابل ناس لتسأل ليه ما جيتش بيها
راجعة بقميصك بعد غيبة إبيضت عيني فيها
ولا أقدر أقولك إمشي، ولا أقدر أنسهالك
راحة البال بتدبح على رجلين تمثالك
يا إله حالات النص
لا تفضي ولا تتملي
زي قبلتي في النهر
أرمش بتتبدلي
بتيجي فجأة دايماً
وتمشي فجأة دايماً
ع الباب صليب مراقبك قايمة نايمة
[اللازمة]
منحتيني البداية
قلت إجعليلي آية
قلتلي عام من الإنتظار لكل يوم معايا
عايشين في عرض البحر
يادوب بنرمي الشبك
ما إحناش ضامنين عشانا
ملناش كلام ع السمك
وبيني وبينك قلنا كلام مقلناهوش في العلن
مش أي أي برضه، ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت

[المقطع الثالث]
في غيابك كنت ع الورق زي التاية في بيتي
عشان أعبر عن غيابك لازم تبقي جيتي
أقصى إرتفاع في العجز
أتقل حمول تشيلها
مفيش حاجة بتتسمى غير لما إنتي تاذنيلها
خالقة النجوم م الطينة
تهدي العصا وتاخديها
عدم ثباتك موج، مفيش آخر موجة نعديها
ده العوام في راحة، إحنا متأخر إنتبهنا
إنك النداهة وإحنا بس اللي إتندهنا
[اللازمة]
منحتيني البداية
قلت إجعليلي آية
قلتلي عام من الإنتظار لكل يوم معايا
عايشين في عرض البحر
يادوب بنرمي الشبك
ما إحناش ضامنين عشانا
ملناش كلام ع السمك
وبيني وبينك قلنا كلام مقلناهوش في العلن
مش أي أي برضه، ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت

[المقطع الرابع]
كنا في أماكن ما بيرجعش منها ضوء
قاعنا كان بعيد، كنا بنقع لفوق
ولما إحتاجت نمشي حسيت هوا المكان خدرك
الموت ورانا فوقي، مش هرجع وحيد وأخسرك
دايماً بنعرف التقليد عن اللي من إنشائك
وغصب عنا نمجد في القدامى من عشاقك
وبنتسابق لحد الموت على سكتك
ونقيم مقام لأدنى شخص من كعبتك

[اللازمة]
منحتيني البداية
قلت إجعليلي آية
قلتلي عام من الإنتظار لكل يوم معايا
عايشين في عرض البحر
يادوب بنرمي الشبك
ما إحناش ضامنين عشانا
ملناش كلام ع السمك