[couplet 1]
الدّعوة مخلطة حالتهم راها ما تعجبش
الغايطة مغيطة الكليكة عندنا ما تحشمش
الشبيبة نايضة راهو داير روحو ما يسمعش
المزبالة واجدة و التاريخ ياخو ما يرحمش
الخامسة ما كلات ، صفحتكم ما نطوات
معوّل تخلطها و تخلي فيها غي الفتات
الميمة ما نسات كبدتها لّي نشوات
عشر سنين Terrorisme وزدتو عشرين ماكفات
الزاوالي ولد بلاد جدّو كي جدّي عليها مات
يا الخاين ضاقت بيك من يدك هربت ما ولات
تروحو ڨاع طّيرو ڨاع ويبقى غير الحجر فالڨاع
يا ملك الضباع بڨرة اليتامى ما تنباع

[pont]
-Toxic Toxic
راها Toxic ،الحالة مخلطة و يقولّي اخطيك مالبوليتيك
Toxic Toxic
راها Toxic، تتنحو ڨاع
Avec une révolution pacifique

[refrain]
*يا ميمتي ما نهناش، مالكية مانبراش، واش بقى ما خسرناش...
في بير مات العياش، الشبيبة ما تعياش، على بلادي ما تفراش
يا ميمتي ما نهناش، مالكية مانبراش، واش بقى ما خسرناش...
في بير مات العياش، الشبيبة ما تعياش،oulech smah oulech
- Toxic Toxic

[pont]
راها Toxic، الحالة مخلطة و يقولي اخطيك مالبوليتيك
- Toxic toxic
تتنحو ڨاع
Avec une révolution pacifique

[couplet 2]
خفنا عليها زمان مالغلطة نتاع زمان
غصة فالقلب ، سكتنا باش تبقى هي فآمان
طال و طال الحال شاب الزوالي مالتخمام
غرّقتوه فالزطلة راه désespèré ماينلام
يا القاضي اعدل فحكام ، كاين ربي فوق المال
"موح" دُكّيتوه و ولد الباندية ما عليه كلام
شفنا بعينينا سنين و بقينا حاصلين بين و بين
بين حُكم الميّت و لا شار و كلاش القتّالين
طحتو فاليدين ما نسمحو ليوم الدين
نموتو ماش خسارة و تبقى بلادي فالعينين
ضحّيتو بالڨلالين مازال شافية تيڨنتورين
Passé criminel تروحو فيها ڨاع يا السرّاقين
حرية لا بديل ثُرنا و ما بقيناش خايفين
خرجنا قلنا كلمتنا و ل اللور مارانا راجعين

[pont]
- Toxic Toxic
راها Toxic، الحالة مخلطة و يقولي اخطيك مالبوليتيك
Toxic Toxic
راها Toxic ، اسمع son ستغلّ Deetox ينقّيلك وذنيك -

[refrain]
*يا ميمتي ما نهناش، مالكية مانبراش، واش بقى ما خسرناش...
في بير مات العياش، الشبيبة ما تعياش، على بلادي ما تفراش
يا ميمتي ما نهناش، مالكية مانبراش، واش بقى ما خسرناش...
في بير مات العياش، الشبيبة ما تعياش،oulech smah oulech