[Strophe 1]
I schreck auf mitn in da Nacht
Und bin schlagartig wieda wach
I hob koa Ahnung woher des jetz kimmt
Owa I woas sofort, dass irgendwos ned stimmt

I fong glei eifrig o zum Überlegn
Jo wos kunnt foisch sei in meinem netten Lebn
Owa oa Soch, jo de woas I glei
A mordstrumm Problem muas des sei

[Refrain]
Wei I hob do soa Gfui, so a saudumms Gfui
Wos mi einfoch ned in Ruhe losst
Eigentlich gehts mir jo super, eigentlich is ois ok
Owa I hob trotzdem des Gfui, dass wos ned passt

[Strophe 2]
Wer woas vielleicht bin I jo sterbenskrank
Und mei Ableben hod bereits ogfongt
Oda I hob gscheid Scheise baut und des verdrängt
Damit I do bloß nie wieder dro deng

[Bridge]
Jo mei, jo mei wos kinnt des sei
Es foit ma ned ei
Wo kimmt des her
Wos is do verkehrt
Wos si do fällt
Wos mi so quält
Es foit ma ned ei
Owa auf oamoi do triffts mi wie da Schlog
Jetz woas I endlich wos mi wachghoitn hod
Und olle Sorgn san weg und mei Herz des locht
I hob bloß nochn Bier hoin
Den Kühlschrank ned zua gmocht

[Refrain]
Owa do woa hoid soa Gfui, so a saudumms Gfui
Wos mi einfoch ned in Ruhe losst
Owa jetz gehts ma wieda super, jetz is wirklich ois ok
Und I ko schlofa, weil jetz endlich olles passt