تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[اللازمة] (X2)
كلاوهـآ قداه من سنة وماخلّاوها - البلاد خلاوهـآ خيراتها كلّ خداوها
خوّاوهـآ ولاجوناس الكّل كواوهـآ - ادّاوهـآ عماوهآ وفي بير كبير رمآوهآ

[المقطع الأول]
ايجـآ مادارو حتّى دوسي جابْ نَتيجة
الخسارة مفييشيَة والمردود راهو ديمـآ وزن الريشة
شبيبة مفيشة مبيّيجية الشومـآرة هايجة ومطيّشة
حكومة راشية فاشلة ماشية وشادة في هاذ المعيشة
ديجـآ , في المشاريع التجارية
راحو تلاحو باعو شاراو مادارو حاجة ايجابية
الشركات الاجنبية زعما جاية تسثتمر
وهي سرّها كان مستّر باه تسرق تسطو تتسطّر
نستكر يا ستّار .. العار راهو تحت الستار
من البزناسة تاع نفطال جماعة ارسولورميطال
من سيدال للسبيطار Detailleلل Grosمن ال
ليوالا ولّا سمسار يسوق سلعة الناسيونال
سرقو صرفو نورمال دكّو صوارد البلاد بالبالا
الكلاب الخايبة الغدّارة . خربوها غير بهاذ الدبارة
غدروها هربو كلّ برّا حبّونا ناكلو بعضانا
نعطيهم كلهم بالا بارا Para كون عندي بيّـآ تاع

[اللازمة] (X2)

[المقطع الثاني]
كلاوهـآ ليكونومي ولّات كوشمار
الدولة دارت دي لوا شعلت بيهم المارشي نوار
راهو عملو غلطات كبار عملو اخطاء قويّة ثقيلة
صواردنا ولّات قديمة وماعاد عندها حتّى قيمة
والخدمة ولّات قليلة وقضينا على الاقتصاد
نسّاونا صح فالحصاد وسلمّونا للاستيراد
صّبحنا كيما السقّاط ليـ يشري كلّش من الخارج
والانتاج تاعنا من الداخل يا خُردة يا امّا خامج
واش ادّيـر جابولنـآ الشّر في الشارايين
الشيكور ليـ عندو شكارة ويشري كلّشي من لاشين
مارشونديس دي ماشيين ولّا دي بياس مديتاشيين
من الشوفار حتى الشيفار كلّهم بالرشوة راهم يمشيو
ايماجين ,مادارو حتّى مجهود
ولايات تاع الجنوب لليوم مصيرهم راهو مجهول
قاعدة تبومبي في الدولار tous les jours شركات
ولد الصحرا راو في الغبار من تمنراست حتى لادرار

[اللازمة] (X2)

[المقطع الثالث]
كلاوهـآ والله راهي جماعة مجرمين
شراهم هاذ الريجيم بامتيازات تحت الرجلين
على الكرسي ديمآ هايجين جاهلين كي المجانين
يتعاملو مع هاذ الجيل كيمـآ الصهيون مع جِنين
شعلوهـآ كيمـآ الجحيم بالفساد في العلنية
ما نعرف لا علمانية ولّا عاملينها عَملية
عٍباد كلّها مبلّية معميّة عورة ومرمّية ماديّة دابّة ودونيّة مبنيّة بعملة مربيّة

علا ذيكـآ ديمـآ مادابيّـآ نفضح النّاس ليـ طامعة
ليـ راكعة بالسّمع والطاعة لعهدة الرابعة
احزاب راهي ساطعة تتسوّل لهاذ الموندا وهي نصّها بونديّا وكل بوندا راهي كونتر بوندا
ومسكين الجان راهو روندا قلبوه كيـ الكاميكاز
حراق سرقة ولاكاس ولا زطلة وكاشي فالرّاس
Des Pétaasseخلّصو Des palacesشراو
Val De Grace ومـآ قدروش حتى يديروا سبيطار كيـ

[اللازمة] (X2)