Lotfi Double Kanon
Intro (La Kamora 2)
"هاذي هدية من عند لاكامورا فوليم 2"

حاجة وحدة هنا ما كان غير هيا فهاذ الدنيا
يا تعيش ديما الفوق ، يا تبقى التحت و تموت بالكمية
بالكمية ، كيمكا ينساوك و تتنسى
من نهار لي خلقتي صغير حتى الروح تروح فالسما
مالا ما تكونش كيما الناس لي قلوبها صايي ماتت
قبل ما يدفنوك أزرب روح دير حاجة في حياتك
كيفي أنا لازم تخرج من هاذ الظلمة
باش نلقى خدمة جامي نعوّل أنا عالدولة
ندبّر راسي بلاصتي آني قادر على شقايا
الدنيا علمتني حوايج ما كانش في القراية
راس مال : نفسي ، ذراعي ، يدّي
ما نخشش في دومان غير لاكان يكون قدّي
مهما تكون كبير يغطّيك التراب و الدود
الكل رايحين نعطشو و نشربو مالكاس تاع الموت
جامي تتكبّر ، متواضع كون ديما
بيان سور كاين عباد رخسهم باه يعطيوك قيمة
حيرة عجب لهنا ما تفهم والو
العبد باه يتهنّى لازم شي ما يدير في بالو
مالا قلهم راني هنا لي يسحقني يجيني
واحد ما يغرقني و غير ربّي لي حينجّيني
لاكامورا فوليم 2 لا مافيا تاع لبلاد تفكرو
خاطكش هاذيا الدخلة هاذي يسمّيوها إينترو