المقطع الأول : لطفي
حاب تعرف الأخبار نبداو الصفحة الأولى
أحوال الإقتصاد و ليكونومي تاع الدولة
فايح histogramme يصورو Les statistiques
2007 صايي سمّاوها "سنة تاع لفضايح"
Détournement de fond المال ضايع في الـ
Chèques sans provision في تحويل الأمول و
Avis de blanchiment w fraude fiscale
فيرمون من الكونت للكونت و السوارد ديريكت للشكاير
الأخبار تقولك آو فرغ الرصيد الجاري
وينهم الـ 13 مليار تاع البنك التجاري؟
درّح لي فاكتور ، القنطار في بلاصة الرطل
من السكوندال تاع الطارف و بلدية حاسي الرمل
الأخبار تقولك الشعب او مشو صاحي
ما شافش كيفاه راحو سوارد الدعم الفلاحي
الفضايح تقتل و العقل ما بقاش يقبل
من حكاية تيليكوم و أموال شركة النقل
واش بيهم هاذ القوم حابين مال قارون
ما يسرقوش بالقوة ، ام يسرقو باسم القانون
عندهم طقوس ، ما يهزّوش الموس
يسمّيهم القاموس "اللصوص بالنصوص"
سمعنا بزّاف ، داروا البدعة ديا
ادجوان تاع مير ولاّ رئيس تاع بلدية
قدّاه نـ مدير عام و عمل العملية
تبديد أموال عمّال ولاّ أموال عمومية
الأخبار تقولك ام قسموا المونوبول
جماعة الـ (صوت أبواق الشرطة) صايي حكمو درك البور
تكرير البترول لـ بريتيش بتروليوم
السوسييتي فرونسيز عطاوهم الما و الترونسبور
السيكتور تاع البني آم داوه الصينيين
الريزو تيليفونيك للكويت و المصريين
الحديد للهنديين ، الغنا للسوريين
و النصبة و التبزنيس تاع الخردة للدزيريين

اللازمة : بعزيز
و الا قلتو كذّاب جيبو الحطب و احرقوني
جيبو الحطب و احرقوني

المقطع الثاني : لطفي
الأخبار دركا تحكي عالصفحة الثانية
الجريمة و الإجرام بين الجنحة و الجناية
مالا شوف معايا و اقرا فقرة حلقة بحلقة
واش صرا في الزنقة من الفقر حتى السرقة
الناس اي تسرق طونوبيلات من الباركينج
يسرقو دراري كبار و صغار بالكيدنابينغ
يقطعو في لا فرونتيار ليسونس و المازوت
يسرقو الكباش و عقبها عالحدود
الناس ولاّت تسرق لي كابل تاع التيليفون
La fonte تاع plomb التويو تاع النحاس ، تاع الـ
الفيراي ، الغرافي ، الرمل تاع البحر
السيما ولاّ الرخام و الكرلاج تاع القبر
سونالغاز تشكي ما بقاتش تريزيستي
مليون و نص دزيري يسرقوا في التريسيتي
شانتي ، حط الخيط ، قص ، عقّب عالبوطو
بريكولي الكونتور ، لوكيه و أعطيه بالمارطو
الأخبار تقولك عادو يزدمو عالأعراس
يسرقو الذهب ، ادي لاكاس و بيع لابياس
زيد في لوطوروت صرات و صارت
السيد طلّع في الروح و هوما يسرقوا في السوارد
عادوا لي كليون ياغريسيو الطاكسيور
أسرق لاكيس ، ديماري روح أكسيلار
السرقة في لي بوس ، في الليسي في المارشي
السرقة في طريق فارغة ولاّ السرقة في نص الغاشي
السرقة في الحوانت ، السرقة في الغاراج
السرقة تاع الكابا في المطار و لاقار
السرقة بالكريك ، بالمانيفال ولاّ الكلاّب
السرقة اي بالسلاح في لابوست ولا لاكناب
الأخبار تقولك روح عندك لا يكلحوك
خطاك حتى الدينار عادو يخدموه و يدرحوه
الطابع يجيبوه تاع الولاية و الملفات
يخدملك نقمة ، عقد و شهادة الوفاة
الأخبار تقولك الرشوة اي وكّالة
عندك على النوتور لا يدرّحلك الوكالة
حكمو وحايد يشريو و يبيعو
حكمو وحايد ياغريسيو في نص البيرو
الأخبار تقولك نسينا لي بورطابل
و السرقة تاع المساجد ، المصاحف و لي كادر
كي سمعنا بدار العجزة هذاك النهار
سرقوا و ضربوا و فيولاو عجايز كبار
اللازمة : بعزيز

المقطع الثالث : لطفي
الأخبار دركا عـ الصفحة الاجتماعية
كترو البنات لي ماتوا من الإجهاضات اللاشرعية
الزواج عاد امبوسيبل بين العروس و العريس
خمسة و ثلاثين ألف حالة طلاق في 2006
الأخبار تقولك التعليم آو تحسّن
كي الدراري ولاّو يضربوا المعلّم في نص القسم
يبزقوا عليه ، يعايروه و يسبّوه
و كي يخرج في العشوة بالحجار يزيدوه
الأخبار العام هذا قالك الشتا آو جا قاوي
ماتوا بزاف فاميليات في البني الفوضوي
الطريق اي فاضت ، الغرقة و الغرم
و الفلاّحة ماتولهم 20 ألف رأس غنم
التوياوات فاسدين ، باقيين و يزيدو
تخلّط الما تاع الشرب بالما تاع الزيقو
جا التيفوئيد نص العباد اي مريضة
في الواد في البويرة في الجلفة ولاّ عين مليلة
لي ديابيتيك عندنا مليون و ثمنية مئة
و عندنا 30 الف حالة تاع كونسير في السنة
خمسين بالمئة يموتو في خمس سنين
زيد أمراض القلب ، الكبدة و الرئتين
الأخبار تقولك لي كلينيك اي تعبّات
السبيطارات الكل تشكي خطاك ما كانش إمكانيات
لي عندو منع ، لي ما عندوش سور لهب
الدوا ولاّ أغلى من الغرام تاع الذهب
الأخبار تاعهم قالوا الشوماج باقي ينقص
و النسبة تاع البطالة رايحة و تتقلّص
الناس لقات خدمة ولاّ العباد تبحروا
هز ورقة و ستيلو درك نقولك وين راحوا
معدّل الانتحار 20 عبد في الشهر
اضرب في 12 تلقى 240 قبر
زيدلهم 2000 في السبيطار خطاك مريض
و 3000 لي ماتوا أكسيون تاع الطريق
المحكمة كل يوم دير 40 من القضايا
أحسب في العام و في 48 ولاية
نحّي 20 بالمئة تاع سورسي و اينوسون
تلقى 140.000 دخلو بركا لابريزون
زيد ضحايا الإرهاب و الناس لي ما بانت
ضحايا الزلزال ، الفيضة و الكوارث
أحسب لي دار فيزا ، راحوا و ما رجعوش
لي كل يوم يحرقوا في البحر و ما يبانوش
أحسب لي عايش البرة و متشتّت
و 3000 طفل أدواليسون لي متشرّد
الشعب يشهد دراهم لالجيريان
Les jeux Africains و Club des pins راحوا في
اللازمة : بعزيز

المقطع الرابع : لطفي
و دركا نروحو للأخبار السياسية
الهدرة آي بالشرات خطاك آي فيها الحساسية
فيها بزناسية ، سماسرية سون بيتي
لقاو مسؤولين بـ دُوبل ناسيوناليتي
الحكومة قريب غرقت و صرالها تسونامي
كي جات لاليست نوار تاع أبو جرة سلطاني
لي والا أسترني ، لي والا بدا يفاني
باه يضعفو الحديث قريب راحوا جابو الألباني
مالا كثرو التصفيقات و شعلو المحريقات
احتفالا بنجاح قانون المحروقات
خطاك في هاذ التخمام سي فري مشني خبير
بصّح مام المخلخل فاق بالخلل يا سي خليل
حاجيتك ما جيتك بلغز هايل
ثمانطاش مليون فوطاو منهم غير خمس ملاين
عقول البعير قالوا الشعب مشو واعي
مبروك للبوبل تاعي كي عاد يسب فيه الراعي
يا عين ، أني نشوف في الانتخابات
الصناديق آي خوات و البريات تخبّأت
المراقب آو غاب ولاّ خاف باه يشكي
هذي هي الشفافية ما شفنا ما شفتي

اللازمة : بعزيز