[Yungmiqu]
Orustit vihkehallat, cahkehallat
Maid moai dihte dalan dakkadalle
Geaidnu mii mohkahalla
Lea eahpesihkar gosa moai dalle monne
Dievva dušše buoiddes sárjii
Diehtu mii gavdno lea dušše dušši jearbmi
Farta ollu njuiket vulos tearbmids
HAH, gárte saddoáhpai
Eallin lea divras dego mumen bruvsa
Go jugat dan de guorrana bursa
Atnit avkin vuolládusaid
Eat duohtal earat njuolggadusaid
Čurbosit nu ahte divvut ii sáhte
Moai čaibme nu ollu ii jorgalit sáhte
Ja giige ii munno šat sihkarit fáhte
Nu guhkin moai ledne ii Máhttege fáhte

[Jezebro]
Orustit vihkkehallat, maid don gáddet
Mun in boađe dáhppehallat
Don leat dušše váimmoheapme
Leatge beare vuođuheapme
Justa dego geahpesdávda
Vuoigadahtton ruvkesadji
Álo gearggus rávvet, sorbmet
Heajos heakkat gazzut, dulbmet
Don maid ravget guovčča beassái
It don veáje boahtte geassái
Dušše okto issoras
Mii lea dutnje dehálaš
Giitemeahttun gollegoaivu giksi
Gilvvohallat girdit giivvis gihpus
Geavahit gearggus gearjidit gefodit
Gávvilit gálgat gáranasa gárgidit
Duohttavuođas don leat beare spire
Oavssi alde vel čurbot dego skire
Earáid eallima mirkkodeaddji
Leat čalbmáičuohcci gearjideaddji