Tu t'affacciatu mai do' bivviriri
Quannu i tramunti abbruciunu lu mari
E i vecchi assittati nte sirili
Sutta a coppula ammucciunu i pinzeri?

E rimmi, ha camminatu pi sti strati?
Su stiddi a menzionnu 'sti limuni
E u ventu ammenzi all'avvuli e li casi
Alleggiu alleggiu canta i so canzuni

Ie' a terra mia, ie' a terra mia
È scritta co curaggiu e ca puisia
Ie' a terra mia, ie' a terra mia
E nuddu non ma po' livari, no
E quannu sbatti forti la marea
Si senti ancora Aci ca chiama Galatea

Ha mai curruti scausu nta 'sta campagna
Cu l'evva ca s'annaca comu u mari?
A "Jaci" nesci l'acqua ra muntagna
Abbudditi centanni po' campari

Ie' a terra mia, ie' a terra mia
È scritta co curaggio e ca puisia
Ie' a terra mia, ie' a terra mia
E nuddu non ma po' livari, no
E diriti cchi' assai non si po'
'Sta terra è a mia, ma su voi ie' macari a to'
Ie' a terra mia, ie' a terra mia...