Ma vu ricurdati a Pippu
Ca calava a via Etnea
Ca su stidda ri sciriffu
Sutta u suli o su chiuveva
Era bonu, era cuntentu
Ca so funcia e li mustazzi
Chi pirnacchi a lu guvernu
Ca trimavanu i palazzi
Pippu su purtau lu ventu
Comu u struscio di carrozza
Nu destinu infami e tintu
Ci manciau li cannarozza

Pippu, Pippu, su turnassi
N'autra vota supra a munnu
T'affittassi lu tiatru
Tu sunassi u to' strumento
Pippu, Pippu 'nta la villa
'Nta ddu viali 'nmezzu e pammi
Ci mittissi la to' statua
'Nmezzu a l'omini 'mpurtanti

'Sta città nun mali nenti
China ri mali cristiani
Senza chiantu e senza genti
Si ni iu (?)
È na matri disgraziata
Ma ri chi ti meravigghi?
S'arricorda li bastardi
E si scorda li so figghi
Pippu (?) o paradisu
Tu si n'angilu ca cunta
L'autri sonanu i campani
E tu soni la to' trumma
Pippu, Pippu, su turnassi
Nun c'abbasta cchiù la vucca
Pi stu pugnu i manciatari
Ci vulissiru li coppa
Pippu, Pippu, m'ha scusari
Ma cchiù ssai nun pozzu fari
Cu stu cori e cu sti manu
Iu ti scrissi sta canzuni