[المقدمة]
يا ليلي يا
(حصرياً على موقع مهرجانات دوت كوم)
الشماتين مستغربين إني بخير لسه
زي القطط ياكلوا وينكروا
فرحوا في وقوعي بس فرجوعي إندهشوا من الصدمة
(Dj Saso Remix)

[عمر كمال]
أسند بلد ولا ١٠٠ بلد يا زميلي تسندني
أخوك أسد بس الحسد هو اللي رقدني
رب العباد جالي في الميعاد قواني وساعدني
وعشان ضميري وراني خيري وبفضله زودني

[حسن شاكوش]
قلبي اللي كان طيب زمان أصبح خلاص جاحد
في شدتي فين صحبتي؟ مالقيتش ولا واحد
أنا مش هكون طيب حنون، ع الكل هتجاحد
صبراً شوية أيامكوا جاية، مش هحل فيكوا واحد

[حمو بيكا]
غوروا بقى
إنتوا الكلام وياكوا على شقى
ما تفوقوا من أوهامكم بقى
فكيت خلاص حبل المشنقة
وإرتحت منكم
خدوا جنب
أنا خدت إيه غير وجع القلب
صونتكوا بعتوني من غير ذنب
ده أنا لو مربي بدالكم كلب
هينفع عنكم
[عمر كمال]
العمر راح في قسى وجراح وعاشرت ناس ظالمة
الشعر شاب، فين الشباب؟ إبنك كبير يا مة
إدعيلي أغمض يوم في ليلي أنا بهدا من كلمة
تعبان بموت ومن الضغوط بقيت في عيني ضلمة

[حسن شاكوش]
شكراً يا أمي علشان في همي إنتي اللي شايلاني
غيرك ماليش، ما يهمنيش أي بشر تاني
إبنك ده فاق، بطّل غباء، إطمني عشاني
بصيت لنفسي علشان في يأسي أنا عيشت وحداني

[حمو بيكا]
إخلعوا
لو شفت حد فيكوا هوقعه
إنذار أخير ليكم وإسمعوا
إصحولي كده فوقوا جمعوا
البابا جالكم
إستحوا
ماتجوش عليا وتستلوحوا
لو شفت حد هنا همرجحه
يا ويله فيكوا اللي أنا هلمحه
أنا قولتهالكم

[عمر كمال]
الشماتين مستغربين إني بخير لسه
دول غلبانين ومفكرين إن الحكاية خالصة
الله المعين يا زمن لعين وبلتني بأبلسة
نصبوا الكمين الغدارين وبيلعبوها خرصة
[حسن شاكوش]
فرحوا في وقوعي بس فرجوعي إندهشوا من الصدمة
أنا لسه حوت، مش أنا اللي أموت، ده أنا في البلد عضمة
مليون حقودي كارهين وجودي علشان عامل أزمة
بس أنا مش ذنبي إن إنتوا جنبي مالكمش ولا لازمة

[حمو بيكا]
إفتروا
زي القطط ياكلوا وينكروا
دايرين بيصفروا ويتهروا
وفي نفسهم بس يفكروا
ولا بيشوفوني
إتحموا
وفي حضن غيري قوام إترموا
حتى العرر بقوا يتكلموا
بعد أما كانوا بيا بيحلموا
بقوا بيحاربوني

[عمر كمال]
لسه بتغيروا وراكبين زيرو، ملعون أبو طماعكوا
ما بتشبعوش ما بتحمدوش جحدانكوا ضيعكوا
تملي عينكوا في رزق غيركوا وأهو ده اللي وقعكوا
شفتوا الجنيه وصلكوا لإيه، جابكوا لورا جشعكوا

[حسن شاكوش]
واقع في ناس كانوا في الأساس أعداء من الأول
لو خدت بالي وشفت حالي ما كانتش هتطول
أنا كنت هادي عايش وراضي خلوني متحول
الله يسامحكوا ده ألم جروحكوا في دموعي بيفول