[Migo]

S isch Cuba i de 50er, Vietnam i de 60er
Nica i de 80er, aus hätt mä kes Gedächtnis
Blueme wachse ire hoffnigslose Lääri
Neoliberali Gärtner gseh jedi aus ä Gfährdig
Weisch no früecher, wo me Angscht het gha vom IS?
U gseit, dr Fride chunnt dür z’Demokratisiere?
S’isch wi vergäässe, doch zwüsche denn und ize
Lige 2 Jahr u 1000i kurdischi Milize
O wenn i gärn id Ferie gange wär uf Istanbul
I cha nid entspanne ire Diktatur
I üs aune singt dr Tenor vo dr Zit:
«was wosch mache gägä Geopolitik?» Doch
Wenni es Biud drzue male u du’s drucksch uf ne Pulli
Si ne chouft fürne Fufi und ne treit a dr Uni
Und dr Cash uf Rojava geit, heimer meh gschafft z’häufe
Aus d’Nato und dr Uno-Sicherheitsrat zämä

[Greis]

Das hie isch für aui
Kurdinne und türkinne vo Amed bis Kobane
Wo nie wärden ufhöre bis glychbehandlig reau wird
Für die wo kämpfe dert wo di ideau illegau si
Mit nid erloubte nachname i dr verbottene sprach
Während Europa sech vo dr Migration wott bewahre
Diktatur lat la machen und die verbräche nid ahndet
Für aui Nistimans, wo sech uf Piste wage
Dr Chopf erhäbe wüu ds läbe säuber isch widerstand
Für aui Zehra Dogans häb dini Stimm
Hie in Sicherheit während si dert ihres läbe riskiert
Mir gäben aues für si wüu si gäben aues für üs
En anderi Wäut isch müglech, Rojava dr Bewyys

[Pit]

Es git ke Fründe, usser d Bärge
Dr Priis für Verrat wird pro Schuss verrächnet
D Revolution vo de Froue macht aute Männer Angscht
Si hebe sech a Waffe, Religionä, are Bank
Los wisi redä, gierig luege, sech sorge
Koloniaumachtinteresse vo Weste bis Norde
Es isch Winter u Chrieg -
U i läbe imne ständige vom Chrieg-profitier-Gebiet

[Sophie]

Dir sit dört, mir si hie, vo dumme regiert
Dir sit starch, mir hei angst vor syrische Familie
Im erpressbare Westä si Vöukerrächt Lilie
Wo schön usgse, und ab und zue no gäbig si
Solang dr Kampf um Rojava am läbe blibt
Het ds Patriarchat ä Gägnerin, ds System chli Gägewind
Mir si viu u si lut u dänke geng a öich
We die wo chönnte nid wöi, isch das aus womer hei