[達明一派「鳴謝 (Live)」的歌詞]

[讀白: 黃耀明, 劉以達]
多謝。我真係好鍾意 *哼唱〈末世情〉間奏*，呢隻叫〈末世情〉，係何秀萍幫我寫嘅。呢幾晚好開心，啊好多好多同我哋合作過嘅填詞人都嚟咗。好多謝呢啲填詞人，因為有呢啲填詞人呢，先至成就到今日嘅達明一派。*觀眾拍手* 啊，當然係有呢一啲，呢一啲咁好 *哼唱〈末世情〉間奏* 嘅musicians啦。呢兩位——欸係呢一度，係呢度啊哈哈，係嘉豪 (音譯) 同埋世裕！佢哋兩個係我哋嘅brass section，一個係負責trumpet，一個係負責saxophone同埋好多，好多好多好多嘅吹口嘅部分，多謝佢哋。然後佢隔籬係我哋嘅老拍檔CM，低音結他。呢一位係新朋友啊，第一次同佢合作，但係前途無可限量，非常之年青嘅啊Tim。望吓嗰邊啦 *笑聲*。呢位呢就老朋友，老朋友係，emm，啊佢，佢好多隊樂隊㗎。你係「HUH!?」㗎呵？「HUH!?」啦，又係「假音人」㗎啦，肥仔明！*觀眾拍手* 噉，啊然後呢一位呢，其實佢係一個好好嘅結他手嚟㗎，但係呢佢今日呢就嚟幫我哋做呢個結他嘅technician。佢係曾經係好多隊樂隊嘅，但係佢今日話畀我聽佢有隊新嘅樂隊叫做Modern Children，唔係新樂隊呀，佢新加入咗呢隊樂隊，係啊銘 (音譯)！*觀眾拍手* 然後呢一位呢，寫〈是有種人〉嘅李拾壹。*觀眾拍手* 喺李拾壹後面呢，就係，啊第一次嘅紅館嘅演唱會有冇人嚟睇過啊，90年？大家記唔記得有蔡德才呀？90年嘅紅館演唱會已經有蔡德才。多謝你一路以嚟，對達明一派同埋對我嘅support，多謝你。然後呢第一次嘅演唱會呢，呢個人呢都係喺下面嘅，不過就唔係負責彈琴，佢就係負責睇show㗎啫。佢係歌迷，由歌迷變成咗今日我哋嘅音樂總監，梁基爵，GayBird！*觀眾拍手* 然後呢一位係我嘅好拍檔，劉以達！另外呢一位就係我嘅兄弟，兄弟幫，黃耀明！你要多謝邊個呀？多謝，多謝係啦，啊多謝環球啦，吓。如果冇佢哋呢，我哋嘅演唱會係開唔成㗎應該。你使唔使多謝太太啊？欸多謝——多謝埋啊順便。 *大笑* *觀眾歡呼* 多謝！但係，我想特別再多謝，多謝兩個人。Umm，係環球唱片嘅Duncan。好多謝佢畀我哋可以再次喺呢一個舞台出現，多謝。同埋有一位朋友，我識咗佢好多年，啊識咗佢超過——其實達明一派之前我識咗佢㗎啦。但係聽日呢係佢嘅生日，所以我想將呢一個演唱會，如果佢覺得好睇㗎呢，就送畀佢，因為佢成日都係畀咗好多好多嘅意見我哋。郭啟華，祝你生日快樂。好，我哋唱你哋最想聽嘅歌。