[Bənd 1: Orkhan Zeynalli]
İlk baxışlardan artıq illər keçir
Fərqi yoxdur, kimsən sən, fərqi yox nəçi
Kimlər özünə əyləncə, kimlər həyat seçir
Kənardan parlaq görünür, amma boşdur içi

Arada ömür fərqi, bir neçə yaş fərqi
Bir neçə dəqiqə keçdi, vurdu qəlb zəngi
Oldu qəlb zəngin sevgiylə dolub daşan
Əzab versə də, sonradan başlanğıcı unudasan

Əl-ələ verib gəzdilər dünyanı kiçildərək
Bəzən qaçıb gizlənərək, bəzən əylənərək
Ya sevgi almışdı ağlı, ya yox idi əvvəldən
Bu eşqi yaşayırdı hər hüceyrəsiylə bədən

Onların hekayəsi macərayla dolu hər gün
Soyuda bilmirdi nə payız, nə də qış qəlbi
Dəyişdi hər şey eşidiləndə bir gün
"Sabahın xeyir, Nil, dünyaya xoş gəldin"

[Nəqərat]
Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi
Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi

[Bənd 2: Orkhan Zeynalli]
Sabahın xeyir, Nil, soyuq səhərlər geridə
Bu bahar daha isti, bu bahar tək deyilsən artıq
Yaşananlar sadəcə xatirə
Bir neçə səhv addım və dəydi arzular yerə

Ayırır böyük şəhərləri kiçik vaqonlar
Ayırır böyük sevgiləri bəzən poqonlar
Birgə qurulan ev tək qorunmaz heç vaxt
O, elə bilirdi, qəlb sevgidən yorulmaz heç vaxt

Yadında hava limanı, yadında qandallar
Göz yaşı ilə oxuduğu məktubları yandırmaq
Dünyaya qarşı çıxmaq saf hisslərdən ötrü
Gözləriylə qəhrəmanın təslim olmağın gördü

O bilir, tərk edən bəzən ən çox sevdiklərindir
Bu həyat qapını vaxtında çırpıb gedə bilənindir
Çətin sağalda mahnılar, yaralar çox dərin
Dünya artıq onların deyil, dünya təkcə Nilindir
[Nəqərat]
Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi

Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi

Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi

Sən Günəşdən saçlarınla gizlə məni
Ölümə getsən də, səslə məni
Unudacaqsansa, sevmə məni
Qoy tək qalım əbədi

[Çıxış]
Sən Günəşdən
Gizlə məni, gizlə məni
Səslə məni
Sevmə məni
Sən Günəşdən
Gizlə məni, gizlə məni
Səslə məni, səslə məni
Sevmə məni, sevmə məni