[Bənd]
Bir neçә cümlә bәsdir ki, qayıdaq әvvәlә
Bir neçә uğur bәs eləyәr ki, inana bilim dinlәrә
Bir neçә damcı bәsdir başa düşüm ki, suya necә hәsrәtәm
Bәsdir bircə göyәrçin hansı ki, ölüb qәfәsdә

Azadlığı sevmәk üçün, hәm dә olmadan gücün
Bәzәn yaşamağa ehtiyac qalmır ölmәk üçün
Bәzәn gözlәrin bәs elәmir yolu görmәk üçün
Bәzәn bәs elәmir ayaqların geriyә dönmәk üçün

Nәlәrdәn keçdik, nәlәr itirdik gör nә üçün
Dostların da taqәti qalmayıb çörәyi bölmәk üçün
Bәzәn bir öpüş belә bәs elәmir heç şahzadәlәrә
Bәzәn yozuram yaşanılmışları әfsanәlәrә

Məncə ovuclar bәs elәmir çatmaqçün Allaha
Deyәsәn birinci ölәn hisslәr olur, ümid sağ qalan
Nә var, nә dövlәt olmadan, sevmәk könlü yormadan
Hәyatın dadın çıxarmaq, həm də heç xoş gün olmadan

Bildiyim bütün sözlәri yığmaq bir cümlәyә
Bütün ulduzları saymaq, gün çıxmadan öncә
Yaşanılan hәr bir anım tarix oldu bir dilәklә
Bildiyim bütün duaları oxumaq ölmәdәn öncә

Bir neçә addıma sığınıb keçә bilmәk dәnizlәri
Toxuna bilmir daha ruhuma onun incə əlləri
Yanağıma düşən damcılar günahlarımı təmizləmir
Çәtinlәşdirir hәyatı - onu yaxından görmәk istәyi

Gizləmək bütün yalanları həqiqətlər şəhərində
Öz içində tanrı tapa bilmək təriqət qəfəsində
Ürәkdә sәs-küy dolu pıçıltılar, gözlәr yorğun
Ölümün gәlişini izlәmәk hәyat pәncәrәsindәn

Dedilәr: meyvә, ağac, hurilәrdәn ibarәtdir cәnnәt
Kimisә yerli-dibli unutmaq özü cinayәtdir bәzәn
Möcüzәlәr göstәrirdi tanrı, yağış külәklә
Lazım deyil... Yenidәn sevә bilmәk kifayәtdir mәncә