[Kouplè 1]
M trase pwòp chimen m, m pa t jwenn oken plan wout
Se la reyalite a ratrape m, se la rèv mwen bout
Prizonye anndan on senfoni kouman pou m viv lib
Maten m Rhod aswè m D-Fi m mal pou jwenn ekilib
Si m fè bilan
Sa m pèdi gen plis valè ke sa m genyen yon milye vè pa rive ranpli vid lan
Sonje m te di w m p ap pase tout lavi m ap rape
Nan rape lavi m m gen enpresyon se tout lavi m m rate
Se pa t janm pou glwa ou ranpli pòch mwen
Pi gwo krent mwen se wè m vin etranje pou pwòch mwen
Kite m al viv pou yo, yo k te blese lè m t pran kou yo
M pa ka di yo m pile teta yo t ap pote m sou kou yo
M komansè pè, eroyin mwen ap febli
Pandan m ap rape sa pèn mwen se wè figi Estè k ap fè pli
Sa m dwe fè pa ban m tan pou fè sa m anvi
Pou pi espere distans lan rapwoche n ou ret dezyèm fanm nan vi m
Ket, m toujou respekte w ras
Vi m s on bòdèl tou, m tap chèch on lòt figi pou m pa gad tèt mwen nan glas
Yo pa touche fanmi an, li sakre a la Corleone
Pasa, You'll Never Walk Alone
M chwazi ant sa k ap ban m like e sa k vrèman renmen m
M anvi ba yo tout sa m genyen men yo se tout sa m genyen
Kisa k ap rete m ?
Kidonk tankou Lino m pran sa lavi a ban m m remèt sa lejand lan prete m
M te fè lè m m te viv li ak pasyon
Brize, m kit on moso nan mwen menm nan chak son
Lanmou k te pran bal nan kwen m nan m al jwenn li nan yon piblik
Avan mizik te mwayen evazyon m kounye a m gen Evazyon Mizik
Ant pi bèl melodi a m chanje agoni m
M pa yon nouvo popilè m se yon ansyen anonim
M pa bezwen konn sa listwa ap kenbe sou zèv mwen
Mizik sove vi m, Filip sove rèv mwen