[مسلم]
ما تيجوا دُغري وقروني
عشان تبقوم في ضهري قولولي أكيش كام
بجد غباء، خسرتوني
عشان مش أنا اللي ضهره يتسند بحماه
هقول كلمة ومكتوبة
خلاص ما بعتمدش فيكم إنتوا صحاب
حياتي ضلمة ومقفولة
بِبَان الحُب سكرت، مافيش أحباب

[فيلو]
سلامي للي سابوا واللي باعوا وإحنا لسه في بداية الطريق
كلامي من النهاردة مافيش أمان ولا في صُحاب ولا في صديق
حياتي علمتني إني أعيش لوحدي ما أقولش لحد يوم يا شقيق
كفاية، من النهاية خلاص كارهكوا والحوار مكشوف يا صاحبي صَبَح جرئ

[مسلم]
ومن تاني هقولهالكوا
عشان شايل كتير مِنكوا
ده وقت ما قلت محتاجكوا
لقيتكوا تراب
أنا عارف أنا شاغلكوا
ومن الآخر بحذركوا
أنا ناوي هزرزركوا
وعقلي ده غاب
[فيلو]
حكاية بس فيها سيناريو غامق والحوار وجع القلوب
معايا كُل واحد قل مرة جاي يوم ومن المرار هيدوق
ورايا كُلكم فترات ورحلة يعني مش دايم ولا مخلوق
مرايا شفت فيها شاب خايف عُمره منه يا أخويا بقى مسروق

[مسلم]
مفيش صُحبة وملعونة
حياتي معاكوا دي عبارة عن الحوارات
ده صنف خبيث وبيكابر
وكُل يومين بيدخلوا بيا في المتاهات

[فيلو]
شجاعة، كله قُدامي مكهرب من ورايا صَبح شُجاع
صياعة، أنا لما دماغي تطرُش كله هيجيله صُداع
تعالِب واللي جاية معاه يباغي همضيله عَقد الوداع
في ساعة كل اللي مجاش معايا يبقى عُمره في لحظه ضاع

[مسلم]
بقيت مصدوم ومِش فاهم
حبيبتي جاية بتساهم في موتي إزاي
قالتلي كلام وكان وهم
وفجأة لقتها من ضَهري قالت باي باي

[فيلو]
علامة، يعني هنقولوا الفخامة هو ده بجد الكبير
زعامة، جوة في الإمارات رياسة أصله يابا راجل مُدير
فخامة، يعني هنقولوا الباشا محمد إيهاب أبو سليم
ده باشا، اللي كلمته تمشي كل الناس يا صاحبي تقول آمين