[اللازمة]
ساكت وصابر أنا علشان هربيكوا
أصل الكتاب مليان بكل بلاويكوا
أما الجدع جي يوقع الكل راح شارك
قتلوا القتيل في جنازته الكل راح بارك
بعمل معاهم الصح ويشبعوني دموع
في الغدر نازلين دح ومقفلين مجموع
دم الرجولة بيسيح بقى حبلها مقطوع
الفرح أصلاً شح ده أنا في العذاب منقوع

[المقطع الأول]
مجروح وبنزف من دمي
مافيش واحد بيشيل همي
كل البشر بيعاني رخيص
أكبر سلام ليك يا أمي
شلتيني وأنا كنت بخطي
والله على رجلك أوطي
لو شوفتي جرح هيأذيني
تيجي مكاني وتتحطي
رب العباد هو الساند
في الدنيا تعبان وبعاند
كل الصحاب غدرت بيا
وعالحقيقة يا ناس بانت
مافيش سالك ليا نهائي
وحبايبي غلبت أعدائي
ده نص عمري أنا ضيعته
وبجد مش لاقي الباقي
[اللازمة]
‫كل اللي جنبك Fake وقلوب خلاص قافلة
خنجر ومتشال ليك والضربة على غفلة
صاحبك ما كانش شاريك وعامل عليك حفلة
حتى حبيبة الروح طلعت كمان سافلة
صاحب جدع في الشر والخير ما بيزورهوش
في كلامه ده بيصفر لابس تملي وشوش
العين بتنزل قر تحسد في أي قروش
لما العويل يتغر أعمل متعرفهوش

[المقطع الثاني]
حب الفلوس والسبوبة
خلى الدماغ دي في غيبوبة
الكل عامل إنه تمام
والماركة أصلاً مضروبة
البيع خلاص بقى بالجملة
وتشوف عويل يعمل حملة
الناس تطبل وتزمر
للي معاه قرش وعملة

[اللازمة]
شوفتك ملاك وإنتي شيطانة ما تجيش وتعملي عشقانة
أنا قولت إنك ست الناس ما قولتش إنك واحشانا
ده كنت متغفل فيكي ومسحت إسمك من شيكي
العيب حبيبتي ده مش عيبك، العيب ع اللي مرييكي
[المقطع الثالث]
قلبي اللي عاش مجروح قادر بإيدي أداويه
ده أنا سيبته ياما يروح لخلق لعبت بيه
عايش حلاوة روح وأشرح وأقولك إيه
عظم الجسد ملوح والطب محتار فيه

[اللازمة]
شايف وشوش خايفين وعيال ملوك في الزن
آه، هو إنتوا بني آدمين ولا إنتوا حزب الجن
هاتوا صحاب غاليين يمكن علينا تحن
نبعت رصيد بمتين نشوفوا مين هيرن