ابھی تو میں نے کچھ بھی کہا نہیں
پھر کیوں ہو تم خوفزدہ
ابھی تو میں نے کچھ بھی کیا نہیں
پھر کیسی قید، کیا سزا
سوچتی ہوں میں کیا تجھ سے کہہ دوں
تیری نادانی کا گلہ گھونٹ دوں
تیری ہر کلی کو میں جلا دوں
پر پھر میرا آخر کیا ہو گا
تیری دیوانگی کے بنا
ابھی تو میں نے کچھ بھی کہا نہیں
پھر کیوں ہو تم خوفزدہ

سوچتی ہوں میں
کیا خود کو کھو دوں
تیری مسکراہٹ میں گھر کر لوں
تیرے بچپنے کو میں اپنا لوں
پر پھر میرا آخر کیا ہو گا
ڈرتے وجود کے بنا

ابھی تو میں نے کچھ بھی کہا نہیں
پھر کیوں ہو تم خوفزدہ