[المقطع الأول]
ياما إتأذيت مع إني إتمنيت خير لكل الناس
قليت معايا بأصلك ليه مع إني كنت جدع معاك
محدش كان ملاك، مكانش لينا مكان في الجنة
واللي متوسخش بحضن واحدة هيتوسخ بفركة
مالكش صحاب ولوحدك، لمة القهاوي كدب
كل الناس خاماك، فاكراك مبسوط، ممكن تبطل ضحك
الناس تعبت من زعلي وبطلوا يهاودوني
وأنا كمان تعبت مني ونفسي أمشي وخايف أموت بطولي
ببعد وببعد، مش عايز أبعد بس لازم أبعد
الأيام بتجري بسرعة وكل حاجة بهتت
شكلك عجز، وشك مليان تجاعيد من السهر
مفلحتش أنا في غير أغاني وكل حياتي غلط
تعبت وتعبت، من قولت تعبت زهقت
أنا مخفتش لسه جايز لكن إتعودت
متركزش، هكون تمام سيبوني أروح
سلام على اللي ساب خراب جوانا مش نافع يتصلح

[اللازمة]
طيب، ياما زعلت وقولت طيب
كنت أنضفهم وأتعيب، ياما قالوا في ضهري عجب
طيب، بنام زعلان، أنا مش كويس
كنت بتحارب من ضهري، هزار الدنيا أخر قلة أدب
طيب، دعولي بصلح حالي قريب
بس حالي مايل خالص، واحد دايمًا وسط كترة
طيب، مين عالم ممكن مصحاش بكرة
وعارف إني في يوم هنام ومن كتر الزعل مش هصحى
[المقطع الثاني]
باعوني برخص تراب، بقينا إتنين أغراب
مبقاش نافع نكون صحاب، مبقاش نافع نكمل أكتر
الأيام فرقت، كل أحلامي إختفت في الدخان
ورب السما أنا كنت طيب جداً، قالوا عني شيطان
وحلمت أكون كويس، ما إتمنتش تاني
كنت عايز أفرح أمي بيا، مش عايز أغاني
كل الناس بتسمع يعني بس مش فارق معاهم
عايزين كل مرة تراك يوصفهم وإنت تولع، فاهم
خف البكا سنة، وطي صوتك سنة
وضعك كان مناسب جداً لإنتحارك، مات وهو بيضحك
مش ناقصين كئابتك، مش عايزين سعادتك، إمشي
لو عليا كنت همشي من الأول، كرامتي أكرملي
دول شافوك بتغرق صوروك وناسك خدروك
وأهلك كسروك، محدش قلبه عليك يا غبي
محدش نبي، وإنت إتوسخت يوم ما إتسميت عازف
كنت ممكن أفضل أحلم لو مكان مايك براجل

[اللازمة]
طيب، ياما زعلت وقولت طيب
كنت أنضفهم وأتعيب، ياما قالوا في ضهري عجب
طيب، بنام زعلان، أنا مش كويس
كنت بتحارب من ضهري، هزار الدنيا أخر قلة أدب
طيب، دعولي بصلح حالي قريب
بس حالي مايل خالص، واحد دايمًا وسط كترة
طيب، مين عالم ممكن مصحاش بكرة
وعارف إني في يوم هنام ومن كتر الزعل مش هصحى