[المقطع الأول]
كان غريب محدش فاهمه، عزيز مع إنه لوحده
كان أغلب من الغلب بس الدنيا كلها كانت بتحاربه
كان صعب يحكي زعله فكان بيقول يا رب
كان يتشاف عنيه بتدمع يضحك ويقول إتطرفت
شوفت الغلب، الناس بتأذي وبنت ألف كلب
دفي قلبك بيلم الواغش، خد بالك هتموت من البرد
سم دمك، خلي اللي يعضك يتأذي بجدعنتك
كل الناس دي ناقصة فللأسف هتعيش بينهم لوحدك
هيحاربوك، العين ما تحبش اللي يعلي عليها
خدها مني نصيحة، الناس بتحب الناس اللي بتأذيها
محدش هيحبك غيرك، فمتكرهكش
محدش ينسى نفسه، مافيش غير أمي بس متتعوضش
كبرنا، الشارع مش بيربي، إحنا إتشوهنا
سنين مؤذيه عملت توهة، يا ريتني كنت فضلت في بيتنا
مش بلاقي راحتي غير في كتابتي بين الآتي
أنا مش مغني، أنا بكتبلك يا دوب حواديت حياتي

[اللازمة]
مخدتش بالي، أنا قلبي مخرب من جوايا بالي
لما وقعت كنت جمبك، لما طفوني قولت أنا مالي
أنا مش أمير لكني حبيتها يا جني
حقيقي أنا إتمنيت ياسمين لكنه غصب عني
سحرك بيدوخ، رموش عينيكي كلبش
أنا شيطان طيب جداً، بأذيني أنا مش بأذي حد
الطاولة قفلت متبقاش ولا حتى قشاط
مش هينفع نهرب من أغرابا، أنا مش معايا بساط
[المقطع الثاني]
الليل أكحل، شوفيلك إنتي في بعدك حل
موتي في عيني ألف مرة فهبني ألف تاج محل
شفايفك خدرتني فصعب أنسى بمرل
تايه بين مراكبك، بعد إذنك رسيني على البر
سيبيلي سكة، أنا فاقد للأمان
لما هتحضنيني ههدى ولا هيبقي حكم إعدام
بشوفك كل أتعب واقف بتعجزني
كل ما أحتاجك بتمشي، شايفك كل ما بميل بتسيبني
مزاجي ملاهي، مخي معتق مش متاقل
سهله أفل بس يعز عليا غلاك يهون بالساهل
رجع ديسمبر وإنتي لسه مرجعتيش
ريحة المطر والأغاني وصوت فيروز على الكورنيش
ليالينا للأسف مبقتش شيء يبسطني
إنتي أجمل شيء حصلي وأكتر حاجة بتضايقني
صدى صوتي في كل حتة، صدى صوتك في دماغي
أنا بتجن بكل هدوء، شكلها هتطول المرة دي

[اللازمة]
مخدتش بالي، أنا قلبي مخرب من جوايا بالي
لما وقعت كنت جمبك، لما طفوني قولت أنا مالي
أنا مش أمير لكني حبيتها يا جني
حقيقي أنا إتمنيت ياسمين لكنه غصب عني
سحرك بيدوخ، رموش عينيكي كلبش
أنا شيطان طيب جداً، بأذيني أنا مش بأذي حد
الطاولة قفلت متبقاش ولا حتى قشاط
مش هينفع نهرب من أغرابا، أنا مش معايا بساط