[المقطع الوحيد]
إنت فين؟ كان المفروض تكون هنا
النهاردة هكمل العشرين وأنا عندي مية سنه
كان المفروض تكون هنا
أنا سبتلك جوابات كتير واتصلت بيك
لكن أرقامك فجأه ضاعت أو نسيت
على فكرة أنا تايهه، ومش سهل عليا إني أعترف
مش هعرف أقول إني بخير عشان أنا ببساطة بتخنق
وبحس بإني أراجوز على طول بضحك قدام الناس لكني حزين
أنا رايح فين
أنا مدخلتش هندسة ومجبتش بيت بدورين وبسين
ومسافرتش جزر المالديف ولا أنا مشيت على سور الصين
ومتحولتش خارق فجأة ولا لقيت مصباح وبساط
عارف البنت اللي أنا حبتها زمان؟ محبتهاش
مطلعليش دقن السلطان طلعلي خطوط وتجاعيد زمن
ومعملتش شعري لونه أبيض بس طلعلي خصل شلتها
وصوتي اوحش في القرآن من كتر ما أنا حفظت أغاني
وعرفت بنات مالهمش عدد، بس أنا نسوانجي كإجمالي
على فكره مبشربش سجاير، بس صحابي مبطلوهاش
عارف علان مات من فتره وهو بيضرب، قالي ده هاش
فاكر كذا؟ إتوفي برضو
آخر مرة كنت بزوره قالي إنت عبيط
خلي السرطان ده يجيب آخره
واهو جاب آخره
أنا شخص للأسف مبيعيطش
حتى يوم جنازة جدي اللي كانت روحي فيه فضلت بارد
بس فاكر بعدها بشهرين عيطت إسبوع حتى ليه مش فاكر
أنا شخص في الأزمات بيبان جماد ساكت مش أكتر
دكتور في المشاعر الضالة بحس بالحاجات متأخر
مش شخصية بعرف أعبر فتلاقيني باخد جمب
بتعصب من أي شيء بزعق لحد مالوش ذنب
وبأذى نفسي وبفضل ساكت بالشهور زي المجنون
أو بكلم نفسي في التليفون بشكيلي من وجع القولون
وأقولي أنا جمبك متخفش والله كله هيعدي
والله كل ده هيعدي، والله كل ده هيعدي
حقك عليا يا عم متعيطش عشان خاطري
لفيت دراعي مسك ضهري وكأن شخص بيحضني
تبت فيا وصدقت إني حد غريب بجد
فصعبت عليا من غلبي أنا شخص وحيد مالهوش ولا حد
سيبك مني وطمني عليك، إنت كويس والدنيا تمام؟
قالولي إن إنت تعبت من فتره والدنيا تلاهي فنستني
لا أنا بكدب، أنا خفت إن إنت تزعل لما تشوف وشي
وأنا كنت متعصب منك بس أنا دلوقتي هديت والله
ولو ممكن لو حابب يعني تكلمني كلمني أنا مستني وقاعد
أنا مش وحش والله على فكره ساعات بصلي
وبقول الأذكار في معادها ومبقتش بحب إن أنا أغني
على فكره فلانه إتخطبت دلوقتي
قالتلي صراحه إن أنا فاشل ومفيش خالص رجا مني
وقالتلي إنها كرهتني وإني بقيت ذكري بتنساها
آه وبقت تقرف مني
وإني منفعش أعمل أسره علشان، فاهم تعبي النفسي
وقالت همشي، مشيت ومبصتش وراها
وحقيقي أنا عايش دلوقتي بالوقت اللي أنا عشته معاها
وعموما ده نصيب مش هكفر
أنا مبسوط علشان هي قالتلي إنها مبسوطة
هو الراجل مننا هيعوز إيه من الدنيا
غير إنه يشوف الست اللي حاببها عايشة ومبسوطة
أنا بس عايز أقولها إن أنا حبيتها
وإني مقصدتش ائذيها ومع ذلك أنا بردو أذيتها
ربنا يهديكي ويسامحك وتلاقي أحسن مني بكتير
أشوف وشك بخير
شوفت! خدنا الكلام وحكيتلك بردو عن نفسي
أعذرني متكلمناش من ياما فواحشني مش أكتر يعني
إنت فاهمني؟ عارف احساس إنك تبقى إنسان غير مرئي
ظرف وعرضي أو شاشة إعلان دلوقتي هتديرها وتكمل عادي
أنا عمري ما كملت أغنية
بزهق بسرعه من الحاجات
من كتر ما أنا حبيت بنات قلبي منحس
كل الحاجات تغلي إلا أنا ببخس
ببهت وابان بلمع بتعب وأقول سهله
أوسخ شعور لما قلبك بيستغني
أو لما تتبقي البلاطة في الدومنه
ضيعنا وقت كتير وحاربنا وتعبنا
وطلعلنا في الأخر مكسب خسارتنا
هل كان هذا الأمر مستحق للعناء
هل نحن فعلا ابرياء؟
من شخص عاش بطولة الروايات لشخص حقق
أنا كنت غبي إتصدق
زعلان عشان عمري اللي ضاع مش عارف ضاع في إيه
أنا بكبر بمعدل مرعب في الثانية بزيد سنة أو سنتين
ودموعي اللي منزلتش بتتخزن في سواد متشال تحت عنيا
وكل الأوقات اللي سكت ومتحركتش فيها طلعتلي فرعشة فأديا
وكل البشر بتروح، كل الحنين كداب
كل اللي ساب دلوقتي كان قالي هبقي معاك
وأنا شخص مش بنسي الوعود لكني بنسي البشر
بنسى الأرقام والتواريخ بس مبنساش تفاصيل ضرر
بميل للوحدة اريحلي قرف قرب البشر فواح
هتفرق إيه مسافتنا طالما حزين ومش مرتاح
متستغربش، أنا سني صغير بس أنا كهل
طابور الدنيا عداني عشان وحدي ومن غير أهل
أنا آسف، خلاص متزعلش أنا مش قصدي
بس إنت مكنتش هنا جمبي
وقت ما الدنيا طحنتني كنت بتتفرج وبتضحك
فاعذرني أنا كبرت لوحدي
باردون، على فكره الدنيا مش أفلام كارتون
لما البطل جاع في الحقيقة السحر مأنقذوش
والناس طلعت فشوش والدنيا مش حلوه
غنيلي كام غنوة
على فكره العالم طلع اوحش من اللى إنت ورتهولي
علمتني الخير وعلمتني الشر مقولتليش إن البشر في النص
في مدمنين جدعان وشيوخ لابسها شيطان
وفي ناس قالت قران ولكنهم كفره
كل البشر قذره
أنا مش ملحد أنا مؤمن جدا على فكره
بس أنا مش نبي ولا حتى ملاك أنا ببساطه بغلط لسه
جوايا سواد ياما مش هنكر وساعات بتوسخ ببقي شيطان
بس أنا مش ده ولا ده ولا ده أنا ببساطة إسمي إنسان
جدي نزلنا الأرض زمان علشان غلطه
وأنا ضيعت حياتي وأحلامي دلوقتي عشان غلطه
وأنا يمكن عيشتي كمان غلطه
من واحد واتنين وتلاته الإنسان لحم ودم وغلطه
ليه مش قادر تتقبل غلطي؟ ليه كلنا عايزين كلنا كاملين؟
واحد خارج من خمارة خبط قسيس على عربيه
فصوتت عاهره نبه ودان الشيخ فانقذهم
إحنا اللي قطر الحظ تجاهلهم
سيبك من كل اللي اتقال، أنا فل تمام
صحتي مية فل وعشرة وكله هيعدي قدام
ابقى اسأل لو ينفع يعني متكسرش بنفسي
مش عايز أحس إني لوحدي، مش عايز أحس إني لوحدي
على فكره أنا مشهور دلوقتي بحكي مشاعر الناس في أغاني
والأف سمعاني وعارفني وبيفرحوا لما بيمسعوا صوتي
والناس بتوقفني ساعات عشان نتصور
وأنا عارف إن ده مش حلمك بس أنا مش هعرف أبطل
هبقي في يوم شخص كويس تتشرف بي وعد
صدقني أنا هنجح بس أنا محتاج منك حبه وقت
هسهر وهعافر وهحاول هعمل مزيكا تهديني
أنا مش فاشل لا صدقني المره دي نجحت قدام عيني
طولت عليك، أنا آسف على ضيعة وقتك
اتفضل ممكن تتفضل أوعدني تاخد بالك من نفسك
لا متقلقش عليا أنا هبقى تمام، ههدي دلوقتي لما هنام
كل سنه وأنا طيب، سلام