[المقطع الأول]
في البداية، قالولي المشكلة في نبرتك
قلمك مش قوي وللأسف مفيش عندك موهبة
توبيكاتك مملة جداً مش بتحكي في حاجة جديدة
رايماتك غريبه وعموما لونك مالوش مكان وسطينا
يا تغني زينا يا تبعد دي الشروط
هتقدم القرابين لإله الراب وتسجد هنحبوك
غير كده هنتجاهلوك، ولو عليت هنوقعوك
ولو نجحت هنقول إحنا اللي عملناك ونشتموك
والفكرة، إن أنا مش من أعضاء الشلة
والراب مش كتاب للأسف هنا مفيش قواعد ثابتة
فعرفت إن مفيش أي فايدة وإن أي محاولة فاشلة
وإني لوحدي في المجال ده، معادلة صعب تتوزن وتنجح
بعد محاولة بائسه إني أبعد عن المزيكا رجعت
والسكة اللي عرفتني عوني ممتنلها بفضل
وإتعلمت، إن المحن بتيجي بمنح
لحظة الخسارة كانت مكسب بس بتعلمك
بدأنا سكة، خسرنا ألف جته
جت علينا أيام كنا بنكره نفسنا من المحاولة
والمزيكا لعنه، أظن إحنا إتلعنا
خسرت كل حاجة مقابل فنك هل أستحق فعلا
متبصليش، أنا برضو زيك كنت عيل
صعب اتخلي عن حياتي عشان أحلامي مش متأكد
الموضوع مشوش، مبقتش بنام تقريبا
عندي مسؤوليه دراسة وأهل مش بس المزيكا
والحقيقة، الموضوع مجبش همه
الراب لا يعد فن في مصر فمش هتكسب منه
وأكتر حاجه تخنق إنك تبقي موهوب بس مفلس
مجبر تعمل شيء كارهه عشان مفيش بديل كويس
واتسوحت، قضيت أيام على الرصيف
واشتغلت في قهوة وأظن ده شيء أفتخر بيه
حلم دراستي مأسعفنيش قولت ماشي بس زعلت
رضيت بحكمك، خليك شاهد يا رب
[اللازمة]
كله ضرب ضرب
أنا مش وحش لكني إنهارت
أنا مش مجنون بس أنا إحتارت
آخر عازف ع الأرض
كله ضرب ضرب
أنا مش وحش لكني إنهارت
أنا مش مجنون بس أنا إحتارت
آخر عازف ع الأرض

[المقطع الثاني]
طيب، بدأنا نحوش من شغلنا حبه
نص وقتي شغل وربعه كتابه وربعه ع المخدة
عشان مفيش وقت للنكسة هأجل إنهياري لبكره
وبكره وبعده قولت نفس الكلمة ولحد النهارده
لا مش هرضي، مش هتدفن حي
مش هريحهم من تقل إسمي أنا حلمي جي جي
مش تفاؤل بس أنا شخص كل ما أملك عزة نفس
لو إستسلمت مش هعرف أبص تاني في عين حد، خلصت
عملت مزيكا تخصني
ممكن يمسحوا أغانيا بس أنا عمري ما هتمحي
إتكلمت عن حاجات كله بيخاف يتكلم عنها
كله نفسه يبقى زيي بس محدش عنده جرأه
أنا، صاحبك في السماعات بليل
بحكي عنك مع إني بحكيلك عني شيء غريب
ودي الموهبة، أنا عشت حاجات كتير تشبهك
عشت الدنيا بشخصيات وشخصية منهم توصفك
أول أستوديو بإسمنا بأسم مكان لمنا إتناشر
إتجمعنا في عيلة إخوات قلوبنا فقلب بعض إتناشر
نور كسار وعوني ودوحه وبشكل دبشة إحنا إتناشر
يبقى ليه تستغرب لما اسألك مين ميعرفش الإتناشر
والنهارده، أظن أقدر أقول نجحت
كل اللي قالي زمان يا فاشل دلوقتي بيقولي يا نجم
واللي إتريق على حلمي حلمه بقي يتصور معايا
الناس منافقة متستناش مساعده أنجح وذلهم بنجاحك
مش عمرو دياب ولا صوتي حلو بس مميز
مش غني بقبض الآفات لكن بملك جمهور يشرف
لا أملك واسطة لكنى هوصل للنجوم لوحدي
مش ماضي في شركة إنتاج لكني عندي عوني يكفي
ما أنا مش هسلم من النقد وبرضو هيكرهوني
تحسهم مستخسرين فيا النجاح كأني يهودي
أنا بعترف بإني مش كامل لكني بحاول
بكره نجوم تترص بإسم عازف
[اللازمة]
كله ضرب ضرب
أنا مش وحش لكني إنهارت
أنا مش مجنون بس أنا إحتارت
آخر عازف ع الأرض
كله ضرب ضرب
أنا مش وحش لكني إنهارت
أنا مش مجنون بس أنا إحتارت
آخر عازف ع الأرض