[المقطع الأول]
كنت كل ما ازعل باخد جمب واستخبى
واداري من الدنيا واشخبط في الاسكتش لحد ما أهدي
كانو بيسألوني مالك بس كنت بسكت
كنت عارف إن كله هيمشي وهبقي لوحدي بردو
ماكنش عندي صحاب فكنت مصاحب هاند فري
وأهلي متخانقين بحط السماعات عشان مسمعش زعيق
كنت مصدع، كنت برسم بيت متصلح
كنت برسمني بمسطرة طويلة وبحلم أبقي مهندس
بس الدنيا مش أفلام كارتون زي اللي كنت بشوفها
هنا البطل قتل الوحش بس متجوزش البطلة
إزاي فهمني، في حاجة غلط مش فاهمها
كنت غلوبه معاكي خالص وإنتي كنتي رخيصة جدا
بمرور الوقت شحبت والأيام هدتني
كل اللي اتكتم جوايا آذاني وكنت لازم أغنى
والناس اتلمت فجأة كل الناس حبيتني
كنت بسمع صوتهم كل مره أبطل يندهولي بأسمي

[اللازمة]
ماكتش حكاية تضحك حياتي ماكتش حلوه
كل دول عايزين يكونوا صحابي وأنا صحابي نسيو
ماكتش حكاية تضحك أنا بضحك لكن زعلان
كانت عايزه فلوس كتير وهي أرخص من تمن فستان
ماكتش حكاية تضحك حياتي ماكتش حلوه
كل دول عايزين يكونوا صحابي وأنا صحابي نسيو
ماكتش حكاية تضحك أنا بضحك لكن زعلان
كانت عايزه فلوس كتير وهي أرخص من تمن فستان
[المقطع الثاني]
كنت كل ما اتخنق قلبي بيوجعني
كنت كل ما أحكي لحد حاجة بعديها بفترة يعايرني
كنت خايب، شيلت أبويا هم
أنا محتجتش منه فلوس قد ما كنت عايز حضن
وأنا أطيب من الطيبة بشوية وقلبي أبيض
أنا لو حد قالي كلام ضايقني بسهر طول الليل بعيط
وأنا مش وسخ وبتاع أغاني وزير حريم
نصي شيخ اتربي في جامع نصي التاني ع الرصيف مرمي
أنا كل صحابي وسختني
كنت جدع مع طوب الأرض وطوب الأرض عور رجلي
عايش بأنفصام شخصية بين حطام أمانيا
بين أحلام كتير كانت بلالين في إيديا وخدها الهوا وطارت
وقلة حيلتي بالأيام جابتلي فوبيا
بقيت بخاف من الناس واخاف أنام ماشوفش الصبح بكره
كان كمان قديم مركون في رف بين انتيكا
أيوة صح أنا اسمي عازف بس بكره المزيكا

[اللازمة]
ماكتش حكاية تضحك حياتي ماكتش حلوه
كل دول عايزين يكونوا صحابي وأنا صحابي نسيو
ماكتش حكاية تضحك أنا بضحك لكن زعلان
كانت عايزه فلوس كتير وهي أرخص من تمن فستان
ماكتش حكاية تضحك حياتي ماكتش حلوه
كل دول عايزين يكونوا صحابي وأنا صحابي نسيو
ماكتش حكاية تضحك أنا بضحك لكن زعلان
كانت عايزه فلوس كتير وهي أرخص من تمن فستان