[المقطع الأول]
وصلت؟ إنت مش زيي، إنت بتكدب
كنت زمان مكان ما كنت وأنا دلوقتي مكان ما تسند
عدتهالك عشم وعدتهالي أذى
وحياة الطفح اللي بينا ما حالل، عدوهالي بقى
أنا بلا بديل، بميل لكني نفسي طويل
بعافر في الأيام بحيل، بولع وبصحى من الرماد بليل
بفقد بشر ميتعدوش، صدقني فاكس
قلبي اللي إتخرب بالقصد، حولوه جرنان حوادث
أنا شخص وحيد وراضي بالوحدة عشان جمبي
ويكفي إن أنا فضلت معايا وشرف ليا أكون أنا صاحبي
وما أظنش صعبة، حسبتك مكاتش تساعني
إنت شوفت نفسك وأنا شوفتك فمشيت وفضلت لوحدي
الناس بقت شياطين قتلونا بإبتسامة
صلو على النبي في قلوبكو يخلق، والله إحنا غلابة
أنا مش ببالي بس الدنيا بتكتفني
كتبت سطور لفت رقبتي وموتتني

[اللازمة]
أنا إسمي تُوْهة، مش هأذيكي متخافيش
أنا شخص حقيقي وكل دول بياكلو عيش
متغطي وساخة لكن من جوايا نضيف
بعمل دماغ للناس من غير ما أكون ضريب
أنا إسمي تُوْهة وخد بالك عشان هأذيك
كل شخص ذكر إسمي كاسر عينه ميشغلنيش
أنا ست إنفار لوحدي، مش هنسى وهصفالك
إسلك ومتعملش عبيط، مين ميعرفش الإتناشر
[المقطع الثاني]
شوفت وساخة، الدنيا غير آدمية
كنت بقابل ناس تضحكلي، أدير وشي ألاقي آذية
واللي باقي ليا نغم، حبك للأسف كان لغم
غليتك كإنك دهب، وديتيني للمشنقة
تجاعيدي بانت وإنتي عيونك لسه جميلة
وكأن الحزن بيعجزني وبيحليها
وأنا كلي عيوب لكني بصون، متسيبش إيدي
هدو حيلي وسرقو عمري وفي الأخر سابوني، يرضيكي؟
سيب القهوة تبرد
أنا مش بحب القهوة بس أنا كنت عايز أسهر
دلوقتي هكتب، أنا ههدى، أنا ههدى
مترجعنيش تاني المصحة
على فكرة الدنيا مش جميلة
في دماغي عفاريت إستحمليها
وأنا شخص مزاجي عايش بين حالات كارهني
ما طمعتش في أحلام كتير، طلبت بشر تستحملني
وأنا حد عزيز مبيتحايلش الناس تفضله
حد بيكره قرب الخلق بس بيخاف يبقى لوحده
أنا حد محدش فضل جمبه
حد كان طيب لكنه حد كبروه كتير عن سنة
أنا مش مسامح الدنيا عشان عملتني تُوْهة
كان في قلبي حاجة نضيفة وهما حلفوا يوسخوها
نفسي طالع عين أبوها، والغريبة أنا لسه بضحك
من سنتين كتبت نوتة عشان زعلان وسرقو زعلك
[اللازمة]
أنا إسمي تُوْهة، مش هأذيكي متخافيش
أنا شخص حقيقي وكل دول بياكلو عيش
متغطي وساخة لكن من جوايا نضيف
بعمل دماغ للناس من غير ما أكون ضريب
أنا إسمي تُوْهة وخد بالك عشان هأذيك
كل شخص ذكر إسمي كاسر عينه ميشغلنيش
أنا ست إنفار لوحدي، مش هنسى وهصفالك
إسلك ومتعملش عبيط، مين ميعرفش الإتناشر