[Verse 1]
Pagkalembang ng batingaw
Aking puso'y napapahiyaw
Lumulukso sa pagdating ng ginaw
Na dala ng nagsisimulang araw

[Chorus 1]
Magsisimbang-gabi na naman ako kasama mo
Maririnig ko nang muli ang tinig mong inaawit
Ang himig ng Pasko

[Verse 2]
Sa simula ng pagdarasal ko
Ngalan mo’y agad sa puso ko
Sana nama'y idulot N'yang mabago ko
Ang mundong iaalay ko sa ’yo

[Chorus 2]
Sa araw ng Pasko, magsisimba ako kasama mo
At doon ko iaabot ang anumang nabago ko
Kasama 'tong aking inaawit

[Chorus 3]
Ipamamalas ko ang pag-ibig na nadarama sa'yo
Katulad ng pagmamahal na sanhi ng pagdiriwang
Nitong ating Pasko, o giliw ko
[Outro]
At sa araw na ito alalahanin mong handang-handa ako
Maging kapiling mo
Kahit matapos na itong Pasko