[المقطع الأول]
نفسي أقوله كنت إِيه
قبله وإستنيته ليه
كنت صورة حلوة ناقصة
حاجة كملها بعينيه
كنت عايشة عمري خوف
تحت رحمة الظروف
كنت قصة ناقصة تكمل
أو كلام ناقص حروف
نفسي أقوله إيه كمان
كنت قبله من زمان
وردة دبلت وأما قرب
فتحت قبل الأوان

[اللازمة]
نفسي أقوله يا
حلم كنت هموت وأطوله
نفسي أقوله يا
إسم برتاح أما أقوله
نفسي أقوله يا
حب أنا سنيني إتعاشوله
وإتعاشت عليه
نفسي أقوله يا
حلم كنت هموت وأطوله
نفسي أقوله يا
آه، إسم برتاح أما أقوله
نفسي أقوله يا
حب أنا سنيني إتعاشوله
وإتعاشت عليه
[المقطع الثاني]
حالي كان وأنا مش معاه
زي طفل في سكة تاه
وإتحرم من حضن أمه
وإتنسى ويا الحياة
حالي كان وأنا مش معاه
زي حد الخوف ملاه
حد كان غرقان في همه
مش لاقيله طوق نجاة
نفسي أقوله كنت إيه
قبل ما يقربني ليه
كنت عنوان حلم ضايع
وإتلقى وأنا بين إيديه

[اللازمة]
نفسي أقوله يا
دنيا لياليها إتعادولي
نفسي أقوله يا
فرحة وشموعها إتقادولي
نفسي أقوله يا
حضن دفى وشال حمولي
لما هربت فيه
نفسي أقوله يا
حلم كنت هموت وأطوله
نفسي أقوله يا
آه، إسم برتاح أما أقوله
نفسي أقوله يا
حب أنا سنيني إتعاشوله
وإتعاشت عليه
نفسي أقوله يا
دنيا لياليها إتعادولي
نفسي أقوله يا
فرحة وشموعها إتقادولي
نفسي أقوله يا
حضن دفى وشال حمولي
لما هربت فيه
نفسي أقوله يا
حلم كنت هموت وأطوله
نفسي أقوله يا
آه، إسم برتاح أما أقوله
نفسي أقوله يا
حب أنا سنيني إتعاشوله
وإتعاشت عليه