[المقطع الأول]
بعمل نفسي ناسي ومش فاكر لكن مبنساش
فاكس من اللمة الكدابة فاكس مجالات
محدش ساندني غير ربي والحمد لله
كله بيتكلم وكله في الآخر كداب
كله بيتبخر زي ملح بيدوب
مش باقي غيري من المر بدوق
دماغي عطلانه ومن كتر السموم
دنيا بتضلم كأني بتوه
دنيا بتضلم كأني بتوه
شايف النهاية دي بعيده وبزوم
بلف في دواير عمال أنا أدوخ
مش باقي غيرى ولنفسي بلوم
مش باقي غيري مش باقي غير أنا
مش باقي ع الصحبة مش باقي ع الزمن
مش باقي غير كدبة مش باقي غير ندم
مش باقي غير ورقة مش باقي غير قلم
بكتب وأسطر وأحط
كدب وصدق أنا شفت
كل الهموم أنا دوقت
بكفايانا لف أنا دوخت

[اللازمة]
بكدب وأقول إنى عارف وتايه
بكدب وأقول إنى سامع وشايف
بكدب عشان اللي حاسة تملى كان عكس اللي باين من جوه أنا خايف
بكدب وأقول إن الحال ما كان مايل
بكدب وأستنى تترد بجمايل
بكدب وأشيل القلب اللي إتحول تلاجه من كتر ما إتعبى بتقايل
[المقطع الثاني]
متتكلمش ع العشرة والعيش أو الملح
فاكس يا زميلي إنت تحت
صدقتك زمان وبكلام إتسوحت
دلوقتي أنا بجد إتدردحت
فاكس على بعض نحور
تيجى جنبي وتتصور
سنة ورا سنة بندور
‫علاقة Toxic بتدمر
كدب كان دايماً ماليكي
متعمليش بتاخدى بإيدي
جبتى العيب دايماً عليا
وإنتي العبر كت فيكي
وإنت فاكس جاي ليه
وإنتي في حالك خليكي
فاكس منك فاكس منه
أصلاً هسيبه وهسيبك
من غير ولا سين وجيم ولا صاد
اللي فيكوا راح أحسن وفرت
عليكوا ما في طلب ولا ليكم عرض
كلاب بلدي مولفين على بعض
إنتوا بمية لون إنتوا بمية وش
إنتوا بتداوروا ومش سالكين
العيب كان عندي من البداية
آمنت بعشرة كدابين
[اللازمة]
بكدب وأقول إنى عارف وتايه
بكدب وأقول إنى سامع وشايف
بكدب عشان اللي حاسة تملى كان عكس اللي باين من جوه أنا خايف
بكدب وأقول إن الحال ما كان مايل
بكدب وأستنى تترد بجمايل
بكدب وأشيل القلب اللي إتحول تلاجه من كتر ما إتعبى بتقايل