შენ რომ გინდოდა რაღაც-ნაირი ცხოვრება გქონოდა
შენ რომ გინდოდა შვილიც გყოლოდა
თურმე ის შვილი შენსავით ომობდა
მაგრამ გერჩივნა ეს არ გცოდნოდა

შენ რომ გინდოდა სახლი აგეგო
ხეები მიწაზე მყარად დაგერგო
ჯობდა გენახა ჯობდა გცოდნოდა
დაწყებულ ომებს სხვაც რომ გლოვობდა

შენ რომ გინდოდა უნდა გცოდნოდა
მეც მომინდებოდა მეც მომინდებოდა
ვერ გაუძელი უფრო გეცადა
მარტო ომობდა მარტო ომობდა

არ აგვირჩევია ჩვენ დაბადება
არდაბადების დღეებს მოვითხოვ
მარტო რომ გაგვწირეთ ჩვენ საბრძოლველად
ჩვენგან უკეთესს როგორ მოითხოვ

არპატიებს დღეებს მოვითხოვ
არდაბადების დღეებს მოვითხოვ
არდავიწყების დღეებს მოვითხოვ
არდაბრუნებს სიკვდილს მოვიხმობ

თქვენ რომ გინდოდათ ეგრე არ იყო
როგორც დაგვპირდით არ გიცხოვრიათ
ჯობდა გენახათ ჯობდა გცოდნოდათ
თქვენი ცხოვრებით ჩვენ გვიომია
არდაბადების დღეებს მოვითხოვ
არდაბადების დღეებს მოვითხოვ
არდაბრუნების სიკვდილს მოვიხმობ
არდაბრუნებს სიკვდილს მოვიხმობ

რომ დროზე გეცადა რომ დროზე გაგეგო
იქნებ ეს ომი, იქნებ არც დამეწყო
იქნებ გეარა გესწავლა გენახა
ჩემამდე იქნებ რამე გაგეგო

არდაბადების დღეებს მოვითხოვ
არდაბადებისდღეებს მოვითხოვ