[المقدمة]
أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
(كيمو الديب)

[اللازمة]
أنا بعشقني أوي يابا
أنا في غابة بسحابة
شايف أندال بتتغابى
ومش شايف واحد مظبوط
لقتني جدع مع صحابي
وفي غيابي جابوا إيجابي
قالوا في ضهري ده إرهابي
يا دنيا منهم أنا مكبوت

[المقطع الأول]
بقيت بتحط في مشاكل
بحبني موت عشان راجل
لو أجيب ورا يوم هتاكل
بثور للخلق تظلمني
لو إحتجت في يوم روزمة
مافيش غيري شالني في الأزمة
صحابي محتاجة ١٠٠ جزمة
علشان ولا حد فيكوا شالني
[اللازمة]
تعبان أنا مين قدرني
ليه يخسرني اللي دمرني
مافيش غيري جالي وزارني
وقلتلي ألف سلامة
بحب السلفي علشاني
ما أشوفش أناني يا زماني
في صورتي لقوني وحداني
قالوا لوحدك ليه يا زعامة

[المقطع الثاني]
عشان بخرج أنا لوحدي
وعشت حياتي دي براحتي
وإنتي يا صحبة بتتجاحدي
وبتعيشي عليا الدور
ده أنا بحكيلكوا أفكاري
بتفتكروها أسراري
بتروحوا تحكوا ليه لجاري
ده أنا أخاف أقول سري لمغرور

[اللازمة]
ما بعرفش حريم زايطة
وبنات بيتا مع بكايتة
وفي الأصل عيال أيطة
بس فلوسهم زقاهم
ده صاحبي كان ماشي ورايا
لقى عباية فيها نتاية
ده راحلها قل معايا
دي صحبة الحرمة حكماهم
[المقطع الثالث]
هروح أركب أنا موتوسجن
ده معنى الإسم حبسة يا عجن
ده غير كده وكده يبقى الركن
زهايمر هو ده المطلوب
جيب نجار ناصبلي تابوت
راكب دايو بعدة صوت
مشغل مهرجان الموت
مافيش منه يا صاحبي هروب

[اللازمة]
أنا بقيت مريض نفسي
ضارب جسمي وناسي إسمي
بقيت مجنون خالص رسمي
ومش عارف يا صاحبي أفوق
بقيت مدمن دوا الكحة
مافيش صحة خلاص شحة
هاخدني وأروح على مصحة
علشان من دنيتي مخنوق

[المقطع الرابع]
عملت حكاية في خيالي
وفي نداهة نادهالي
ما بقتش عارف أنا مالي
ومش طايق ولا واحد
رسمت الضحكة على وشي
وقلت لنفسي معلشي
حزين لكن مابينشي
عشان ناوي أكون جاحد
[اللازمة]
هجيب لنفسي طقم العيد
عايشها وحيد يا ريتني سعيد
عطتني عيدية فرحي يزيد
ومش عارف فرحت أنا ليه
في يوم ميلادي عامل حفلة
لقيت عيني قافلة على غفلة
في كلمة حفرتلي حفرة
Happy birthday وقلتلي

[المقطع الخامس]
وجبت لنفسي أنا هدايا
ما أصل مافيش غيري معايا
بكلم نفسي في مرايا
وبعزمني على فرحي
في تفكيري أنا حبيبتي
وعيشت الوهم هنتلي
في زفتي جتلي غنتلي
دي أغنية إسمها جرحي

[اللازمة]
أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
بقولي مين شالك يا إبني
قلت مافيش واحد شالني
لقيت كلامي زعلني
حبستني ما الطيبة قضية