[المقدمة]
(حصريًا على موقع مهرجانات دوت كوم)
وسط دموع وجراح وخراب
جيتي سعادتك كملتيها
قلتي أحسن خلينا صحاب
وجروحي طبعًا زودتيها
عادي مش فارقة، ما كله غاب
قصة مملة إنتي قفلتيها
كنت مربي في بيتي زمان
لا مش كلب، كان كلبين
كلب حشيش مدمن دخان
بيبعني لأجل سيجارتين
وكلب قرش مالهوش أمان
راح سلمني عشان قرشين
(كيمو الديب)

[اللازمة]
أنا سالك في عالم مش سالك
لازم أتجاحد، لازم أدوس
ليه بترموني في بحر مهالك؟
ولا عشان معيش فلوس
إيه يا بشر بس إللي جرالك؟
شكلي هقطع إيدي بموس

[المقطع الأول]
كنت بقول التقدير أحلى
بس لقيتني طالع خسران
الطيب بيخش في سحلة
وبقى بينام يبكي وزعلان
إمتى حياتي يا دنيا هتحلى؟
أصل بقالي سنين تعبان
قالوا الحب إختفى من الناس
قلت أكيد العكس تمام
ومشيت ورا قلبي الحساس
فجأة لقيتني شبعت آلام
خلوا دماغي تحب الكاس
وأفضل صاحي وكاره أنام
[اللازمة]
ما بقاش ليا ما بينكو مكان
مش شايف غير بس خيانة
هبعد عنكو عشان تعبان
وكفاية بقى تجريح وإهانة
عشت جدع بوفي وبتخان
أنا إتأذيت من الناس بأمانة

[تحية]
أرض الرعب، جزيرة الموت
المسا لأرض الطالبية
السيطرة حسن العرباوي
معروف يابا بالرجولية
فتحي العرباوي المتصيت
عايش جراءة جوة الدنيا

[اللازمة]
كنت بقدر كل صحابي
جيت على نفسي زيادة شوية
والتقدير ما طلعش إيجابي
وأنا كنت حاسبها بأخوية
إللي بيحصل وقت غيابي
كان ضحك وتريقة عليا

[المقطع الثاني]
ليه إخواتي بقت تخسرني؟
حالفة عليا أموت من الهم
كل الناس على طول تكسرني
ولا حد بحالي بيهتم
الجدعنة والكيف دمرني
وما زارنيش ولا خال ولا عم
ع الواتس ألف رسالة مبعوتة
وكل شوية ألقى مكالمات
ومعاكسات من كام بنوتة
لما شافوا صورتي بدولارات
وعيال فاكرة حياتي مبسوطة
داخلة تحك لأجل كاشات
[اللازمة]
قمت منزل حالة بقول
أنا مزنوق محتاج جنيهين
شافوا الحال قوام على طول
وكإنهم مش شايفين
رنيت كله لقيته مشغول
وهربوا مني وكانوا عارفين

[المقطع الثالث]
إوعاك تنسى إللي في يوم باعك
ما تخليش القلب يميل
عمر ما حد هيلوي دراعك
طول ما إنت جريء يا زميل
إنسى الحب، ما عادش بتاعك
مهما تحب أكيد هتشيل
آه يا ويلي من الزمن الأغبر
خلى كلاب تغلط في عمامهم
شايف ناس هلس بتتكبر
نسيوا إن أنا كنت مدلعهم
ياما قدرت ومش بتقدر
لازم أنفض وأبعد عنهم

[المقطع الرابع]
إنسان بس ماليش أصحاب
تسأل عني أنا غايب ليه
ولا إكمن أنا مش دولاب
عندي حشيش يتلموا عليه
حتى زمايلي بقم أغراب
حد مش فاهم جواه إيه
كنت مربي في بيتي زمان
لا مش كلب، كان كلبين
كلب حشيش مدمن دخان
بيبعني لأجل سيجارتين
وكلب قرش مالهوش أمان
راح سلمني عشان قرشين
[اللازمة]
وسط دموع وجراح وخراب
جيتي سعادتك كملتيها
قلتي أحسن خلينا صحاب
وجروحي طبعًا زودتيها
عادي مش فارقة، ما كله غاب
قصة مملة إنتي قفلتيها

[المقطع الخامس]
أنا إنسان كرهته دنيته
وسرقت منه جميع أملاكه
كل الصحبة قوام نسيته
ويقولهم أنا كنت معاكو
حتى فلوسه كمان فارقته
ما بقاش حتى في جيبه الباكو
مصنع أبطال عايشين أشباح
١٠٠ مسا لأرض الطالبية
حسن العرباوي يعني الجنرال
ده ممشيها بالأخوية
وإللي مشرف نفسه بنفسه
فتحي العرباوي ده المافيا
الكروان يعني عصام صاصا
في مجاله ده نمبر وان
وعبده روقة القلم الجارح
يفضل كلامه ياض بيرن
كيمو الديب شبح المزيكا
في الشغلة ده أصل الفن
أحلى إدارة يعني أبو طه
كلها قدامنا تكن

[الخاتمة]
(حصريًا على موقع مهرجانات دوت كوم)