[المقدمة]
صاحبي ياصاحبي
ياصاحبي ياصاحبي
لو يوم فارقت هيولع قلبي
انت اخويا شقيقي وربي
ومفكرش في يوم انساك
يا مرشدين انتم اخصام
انتوا كلاب عند اللي ساب
قلبكوا خاين ومش تمام
حبستوا الجدع
(كيمو الديب)

[اللازمة]
يابا تعبت من الايام
كل ما بفرح ألاقي آلام
حتي السنة بتعدى قوام
والعمر راح
صحبه شمال عايزة توقعني
كل ما ببعد مش بتسيبني
مركزين معايا اكتر مني
ومش مرتاح

[المقطع الأول]
جاي معاك في مزاولة تعالا
انا فى الشر دماغي شغالة
هصورك واعملك حالة
وتروح لأمك بتعيط
بدور عاركة في وقت فراغي
شارب جوب معلي دماغي
ابن بلد قارح وبلاغي
فى كل ليلة لازم بمليط
بنشرف اللي يشرفنا
الناس بالتقدير عرفتنا
محمود التوني أسد المجره
المخاليق كلها حبتنا
اتحاد الجيزة مع ليبيا
الكونيسة شباب اشقية
يفك ضيقة اخويا عبود
راجل محبوب من كل الدنيا
انا يازمالة دوشت الدوشة
مخ الخصم جايبله الروشة
ولا تعجبني كيوت ولا روشة
فتحت مطوتي بتخوفكوا
اسمع مني اديني بقولك
لو هتبوق معايا مش هحلك
وهعرقب رجلك وهشلك
انا قلبي اعمي ومش شايفكوا
حضر الفركة اظبط حجرين
يلا نعلي المود بكاسين
ابعد خالص علي السطرين
اصل السطر يجر الموت
بص لشكلي اوعاك تنساني
علشان مش هعديلك تاني
لو اتحطيت قدامي هتعاني
كتر الصمت صنع جبروت
[اللازمة]
يا مرشدين انتم اخصام
انتوا كلاب عند اللي ساب
قلبكوا خاين ومش تمام
حبستوا الجدع
المرشد يازمالة مش هسيبه
ولو في بطن امه راح اجيبه
ومهما نكبر ولا نشيبوا
ثابتين ومابنقع

[المقطع الثاني]
احنا بنلعب علي المكشوف
صعب قلوبنا تحس الخوف
انتم قله كبيركوا خروف
بيحب يطبل ويمحر
وقت العاركة بحضر جن
بس ماجيش علي حد مسن
ريح ودني انا بطل زن
ماتجيش معانا احسن هتشحت
انا هعاملكوا معاملة جوا
ريح يا حبيبي انت وهوا
وطلعولي اجعصها فتوه
هقل منه في وسط الخلق
تلت قطره عامل جرار
اخر اليوم بسكر في البار
اشبال جيهتي في عينكوا كبار
مش بتحل طلاما علي حق
سحبت فرد انا ويا كزلك
ابعد عني طريقي مهالك
وانتا بتكرف علي سالك
متجيش معاك ان انا محترم
الناس بالتقدير عرفاني
حتى صحابي ياخويا حباني
انا قلبي طيب ومش اناني
بس تقل معايا تتفرم
[اللازمة]
الناس هبله وبتستهبل

معاك فلوس الكل يطبل

بالغل بتغمز وتسبل

كلاب فلوس

ادفع تلقي الناس تتغير

ولو معكش لازم تتحير

ياريتني كنت فضلت صغير

حياتي كابوس

[المقطع الثالث]
صاحبي ياصاحبي
ياصاحبي ياصاحبي
لو يوم فارقت هيولع قلبي
انت اخويا شقيقي وربي
ومفكرش في يوم انساك
انت اللي مقويني علي الدنيا
اتنين في واحد علي البشرية
لما ازعل تهون عليا
وعمري ما ادق النقص معاها
خدك ريحته كأنه بخور
انتي في وقت الضلمة النور
يا ام الجمال وانعم شعور
وقت الضيقة تيجي توسيني
انتي حلم ولا حقيقة
زى الملايكه وروحها بريئه
لأجلك اعمل مية حريقة
زي جمالها ماشافت عيني
هي العشق مزعلهاش
ضحكتها حلوة بتطلع كاش
لو يوم فارقت هروح انعاش
انا ملبوس وانتي الجنيه
لو زعلانه اكيد بتخض
اللى يزاولك اطخه بفرد
قبلك كنت بحب فى قرد
اما انتي ملكة جمال الدنيا
[اللازمة]
الأخلاص بقا موضه قديمة

انا شكلي هعمل مية جريمة

الناس ليه من الطيبه عديمة

وحبل الود داب

ابن وعلا الصوت علي ابوه

حتى الطيب قلبه داسوه

والمرشدين سنين حبسوه

عن عيني غاب

[المقطع الرابع]
عبوده اخويا يفك ضيقته
نفسي القاضي ينطق براءته
المخاليق برجولة بتحبه
وحش بوابة الكونيسة
اتحاد الجيزة مع ليبيا
اللي يعدينا يخش في داهية
محمود التوني يعني الرجولية
اما الباقي اشكال محدثة
لو هتبوق تشوف الموت
صاحب صحبه خالد عبود
هو مسيطر علي الموجود
والأخصام تحذر قلبته
أبعد خالص اوعي تنافسه
هو مزيط نفسه بنفسه
اعدائه قدامه بيترصوا
سعد عبود وحش دايرته
اسمه علي الخصم بيرعبوا
اسعد عبود اوعاك تندبة
اللي يقل معاه يأدبه
معروف الراجل الجدع
حماده جمعه حبيب الشله
لسانه عمره ماينطبق قله
احنا زمالة رجولة متكامله
خصمنا قدمنا يودع
محمد عصام الجبروت
جاي معاه علي السكة تموت
اصل طريقه طريق مسدود
علي اي حد بيخرب
الجيزة مصنع للرجالة
اما الباقي يلم زبالة
احنا نسد علي اي حالة
والكونيسة اللي يعديها يتكهرب
وعصام صاصا أسد المجال
هو البطل وانتوا عيال
كيمو الديب مرعب أبطال
في توزيعاته تملي دور
القلم الجارح عبده روقه
اما الباقي كروت محروقة
ياسر ابوجيكا اخصامه مختوقة
واللي جاي علينا يتعور