[المقدمة]
(ماندو العالمي)

[اللازمة]
تعبان أوي من جوايا
شكلي هموت، قطعت الصوت
إبقوا إفتكروني بسيرة حلوة
ما أنا كده كده عايش ميت
كلي جراح، مش مرتاح
على نفسي والله بعيط

[المقطع الأول]
عايش وحيد في كل ليلة
لا مش سعيد، أحزاني كتيرة
ومفيش جديد في سكة طويلة
أنا مش عارفني أبقى مين
أنا فيا إيه؟ أنا حد تاني
معرفش ليه الخنقة محوطاني
واللي بشتريه بيبيع في ثواني
لا وكمان يحفرلي كمين

[اللازمة]
هو مفيش غيري أنا
تيجوا عليه وتجرحوا فيه
لا وكمان بتنكروا
لا فوقوا أنا خيري عليكوا
صحبة رخاص، أوسخ ناس
ياما في ضهري إتكلموا
[المقطع الثاني]
قولوا كمان وفي ضهري عيبوا
حق زمان دلوقتي هجيبه
لو في اللومان أنا مش هسيبه
أصل أنا راجل وإبن راجل
نسيت الفرح، طب هفرح ليه؟
مليان بالجرح مش لاقي دوا ليه
ده العيش والملح كله غدر بيه
حتى الطبق اللي فيه بياكل

[اللازمة]
كوكبنا الغدر سايقه
فيه الشيطان عامل غلبان
وكله بيضحك على بعضه
ولا واحد سالك يابا
كله شمال، كلاب للمال
لا وفي بعض بقوا يعضوا

[المقطع الثالث]
إزاي تنسوني ده أنا اللي عايشتلكوا
ياما إحتاجتوني ولا مرة بسيبكوا
غميتوا عيوني، آه من عميلكوا
هو إنتوا بتعقبوني على إيه؟
يمكن على طيبتي اللي بتشوفوها
ولا جدعنتي اللي نسيتوها
حتى ملامحي دول دمروها
طب إيه تاني يابا أنا هبقى عليه
[اللازمة]
كتبوني في بطاقتي المجروح
ملوني الآم، هروني كلام
قالوا حاجات ياما مش فيا
ليه في ضهري بيلونوا؟
كله بيقول، مش دايرة أصول
هانت عليكوا دموع عينيا

[المقطع الرابع]
يا عيوني كفاية بطلي دموع
مش محتاج معايا واحد جربوع
مش هبص ورايا، هنهي الموضوع
مصدوم هو أنا مش بحلم
أنا مش مجنون علشان يتهيألي
ما أقفلش التليفون لما بتندهلي
مش بقول خلعون ولا عمري بجلي
بس أنا أستاهل إني أتعلم

[اللازمة]
إيه في الدنيا دي يستاهل
إني أعيش ما بين حرافيش
ما أنا أموت والله أحسنلي
خبث ومكر، عالم ضالة
قتلوني، ما رحموني
في الدنيا إيه تاني فاضلي؟