[المقدمة]
إتلهيت في متاهة الدنيا وهوب في ثانية نسيت آخرتك
أقرب ما ليك بيجرح فيك، صبح الحشيش بقى هو علاجي
(حريقة برودكشن)

[اللازمة]
إحنا جينا يلا بينا، هتموت يا اللي تعادينا
مش كلام إحنا تمام وعمرك ما تكون زينا
مش بنحور، مش بنمحر، أي حكاية خالصة معانا
للي يقدر إحنا نقدر والجدعنة سكنك جوانا

[المقطع الأول]
ما نخافوش ما نكشوش لو قدام الدنيا بحالها
إوعى تزيط ياض يا عبيط ده العفاريت كده جبنا أجلها
ما بعيش يا صاحبي الدور، مش مغرور ولا عمري أتكبر
راضي بحالي واللي يجيلي، خمسة علينا الله أكبر
تلات إخوات أبطال يابا مع بعض لو ع الموت
سيد أرابيزو أبو جمال، إصحى الجيزة دي أرض أسود
وإسلام أرابيزو سيطرة جدع رجولة عايش مظبوط
محمد بطاطا أبو ريتال بالحب ماشية وده الموجود
فعلنا بيسابق الصوت، مننا مرفوض عنصر الخوف
ياما قابلت مشاكل، بتعامل على أي ظروف
قرشك هو طريقك، كله يهينك لو مافيش
إملى جيبك في فلوس خليه متروس في الفرح تعيش

[اللازمة]
نفسي أفوق أنا مخنوق والكل جه عليا
مافيش زمايل، قلبي شايل، والله طالعة عنيا
كل الأحلام دي أوهام، مافيش حاجة بتدوم ليا
والدنيا تلاهي، حبي إبتلائي، وبقيت ذكرى أنا للبشرية
[المقطع الثاني]
يا رجولة بقيتي مهجورة وكله نفضلك ونساكي
يا خيانة بقى خفي شوية عشان في الدنيا الناس عاشقاكي
أقرب ما ليك بيجرح فيك، صبح الحشيش بقى هو علاجي
أنا مخنوق مش عايز أفوق، أنا مضطر ومش بمزاجي
ده كلامك إتعاد ١٠٠ مرة وما فيكش جرأة في يوم تواجهني
آخرك تتكلم وفي ضهري وقدامي تعمل إنك حبيبني
طب حلك من الهرتلة ورمي البلا يا عيل يا أصفر
أصل إنت ما بتشرفش وعيل طفش، أنا موسي متزفر
جرح في جرح نسيت الفرح، الناس غدارة بتغدر ليه
واللي يبيع زميله عشرة سنينه لأجل الجنيه
وبينسى كده الصحبية والآذية بقت داء فيه
سيبونا في حالنا وريحوا بالنا، أنا قلبي الحزن ماليه
عيون قرارة فلقة الحجارة بتبص لغيرها وتحسد
لو لقيتك صاحبت باشا تلاقي كماشة في تكتيف سجن
ما لكمش غير في القر يا خلق يا شر تملي بتحقد
بس أنا ربي إداني وهفضل عالي والخير يتزود

[اللازمة]
إتلهيت في متاهة الدنيا وهوب في ثانية نسيت آخرتك
ونسيت يوم الحساب والعقاب وإنت في تربتك
خلي إبنك يقول أبويا ساكن جوايا في أحلى ذكرى
أحسن ما يقول أبويا ليل ونهار بيلف في بفرة

[المقطع الثالث]
مساكن الحرية بلدنا وهي منبع للرجالة
سيد أرابيزو أبو جمال إنه يجلي في يوم إستحالة
وإسلام أرابيزو الچنتل تشهد كل الدنيا بسيرته
محمد بطاطا أبو ريتال راجل جدع حباه منطقته
ع الساحة وبجدارة عبده روقة القلم الجارح
عصام صاصا فنان بشطارة، إحساس عالي في الدنيا طايح
محمد حريقة توزيعه مسطرة، تملي يفضل هو الناجح
وإوعى تفكر تتحدانا لا هيصبح دمك سايح
ع الدغري أنا مش شايف حد، أحلى إدارة عبده العبد
وخالد لولو توينزي راجل واقف وقت الجد
[الخاتمة]
ليلي يا ليلي يا ليلي يا يا ليل
يا عيني يا ليلي يا ليلي يا يا ليل
يا ليلي يا ليلي يا ليلي يا يا ليل
عيني يا ليلي يا ليلي يا يا ليل