[المقدمة]
العجلة بدأت تدور
عركة في عركة بقيت مشهور
نسيت زمان عم الفرفور
وبقيت شخص جاحد
(العربي برودكشن)

[المقطع]
كلك ألغاز ما إنتي محيرة كل الناس
عيشت محترم للدنيا عملت خدي مداس
والبني أدمين مش سالكين مفيش إحساس
يحترموا قليل الأدب، بيحبوا الهلاس
مفيش صحاب ولا أحباب كله بيخون
أنا نفسي أصاحب راجل جدع يكون بيصون
ما أنا كنت حلو ورايق ليه خلتوني مجنون
هكسر فيكوا خلاص هعميكم ورب الكون
هو خلاص مفيش إحساس وسط البشر
مش عايز أعرفك وإنت برضو بتتحشر
يا عم إبعد عني وسبني في حالي عشان خطر
إرفع سكينة هديك قناصة جاتلك قدر
إرفع سكينة هديك قناصة جاتلك قدر
صاحبت صاحب شيطان
كل يومين أروح سكران
أمي تبكي وأبويا حيران
وأنا مش شاغل دماغي
العجلة بدأت تدور
عركة في عركة بقيت مشهور
نسيت زمان عم الفرفور
وبقيت شخص جاحد
ده المخزن بقى مردوم رجالة وسلاح وفلوس بالكوم
كل ما أحط راسي على المخدة بحس بجبل هموم
بس شيطاني قاسي ما ستسلمش
خلاني أحب وأموت في القرش
إخرب وإضرب عبي الكرش
إنت بقيت البريمو
فوقت بعد فوات الأوان
روحت لأبويا قلتله زهقان
من الكيوف ومن الدخان
نفسي أرجع لحياتي
قال لي بص لغيرك وغير لسه بدري العمر طويل
إنت شاب وفي العشرين مش معجز زي حالاتي
نفسي أشوفك يا ابني كويس قدام عيني وفي حياتي
نفسي أشوفك يا ابني كويس قدام عيني وفي حياتي
شمال شمال عيشتنا شمال
صحبتنا صحبة يا ناس أندال
ده أنا لما عوزت صاحبي في شدة قفل تليفونه سابني يا خال
نفسي أشوف راجل جدع يكون تمام مالوش مرتجع
نمر تدور وأنا هتوجع
دي الرجولة بقت مقتولة
بعدك يا مّة مليش أحباب
أيام تعدي عليا خراب
بعدك يا با العيشة هباب
البيت ملوش حس بقى سراب
ده الصاحب تاه وسط اللي تاهوا
أخويا باعني ونسي أوجاعه
وكل ما أروح لحد بابه
إبنه يقول لي نايم تعبان
ما تجيش يا عم هنا تاني
أخويا قال لي بقى إنساني
وأنا لما مسكت فلوس بالكوم
ده جالي بيتي عرف عنواني
بيقول لي واحشني يا إبن أبويا
قلتله إنت حبيبي أخويا
وصفتله في ثانية إلا ثانية
وقلت لنفسي يطمع ليه
ده أخويا ودي دنيا فانية
هيخاف عليا هبكي عليه
ده أخويا ودي دنيا فانية
هيخاف عليا هبكي عليه
ميزو والمدفع للإنتاج
حمو طيخا ده صوته هلاك
قلنا الشامبو قلم فتاك
مؤمن نبوي يا أحلى إدارة
ليلي ليلي ليل أليل
(العربي برودكشن)