[المقدمة]
مالقتش غير الغسالة تغسل يابا نيتكوا الوسخة
ده كلامكوا بقع بتبقع، طعم جراحكم حاجة ماسخة
إسأل قبلك دمرت عيال قطاقيط ويا عتاولة
إسمي مسمع ع الكوكب، قائد يابا أيها دولة
(ماندو العالمي)

[اللازمة]
مالقيتش غيرك يا دراعي في وقت بكايا تمسح دمعي
مالقيتش أنا غير أصحاب في وقت الفركة بتجتمعي
ما سمعتش غير تكريتهم، ألفاظ بجحه ما تتسمعي
أحزان وجراح وعذاب، مجموع أكتر يابا من جمعي

[المقطع الأول]
أنا من يقدر يواجهني وينزل قدامي أزمالة
أنا عارف آخر خصمي يلقح يكرت ع الحالة
ما أعرفش أفخد مرة، اللي ينكشني في نقالة
اللي يطبل أنا عارفه بناديله بإبن الطبالة

[اللازمة]
مالقيتش واحد ينفعني ويوجهني في طريقي
مالقيتش صديق يسندني عشان أنده أنا بصديقي
الصادق بقى كداب والكداب كلامه حقيقي
الصاحب وانس للخصم وخصمي طلع ليا شقيق

[جسر]
ده أخويا الشق وزميلي قالي الفرحة هتبقى دمار
قولتله العوايد جهتنا وعزبة محسن خط النار
أحمد تاتور متألق حالف لهيعمل إعصار
عمر التاتور ده المغامر قاله الفرحة دي 5 ستار
[المقطع الثاني]
أنا أفيونة مش بتهدد، ما أخافش غير من اللي خلقني
أنا قد الدُنيا بحالها، صعب إنها يوم تسابقني
تحاربني بجيش طروادة، عُمري ما أقول مين يلحقني
ده مافيش أغلى من العُمر اللي بيجري يروح ويفارقني

[اللازمة]
مالقيتش أنا غيرك ياما في وقت الضيقة بتدعيلي
مالقيتش أنا غيرك يابا لما أزعل تيجي تواسيني
أما الشارع بيعلم، ده درس منك يا زميلي
أنا أخويا بالدنيا بحالها، إنت وبس اللي صافيلي

[المقطع الثالث]
تسحب سكينة يا إبن أمك هلعب وياك كام جولة
بين جولة وجولة في جرح واللي هيجرح يستولى
إسأل قبلك دمرت عيال قطاقيط ويا عتاولة
إسمي مسمع ع الكوكب، قائد يابا أيها دولة

[اللازمة]
في كتاب أوجاعي هكمل وأكتب عن كل الماضي
اللي إستغل الشدة وداس على قلبي وجاه قصادي
مش ناسي غدركوا ده في راسي، أصل منكوا مش مرضي
وطالما مش مرضي تيجوا برة أرضي وهتشوفوا مين فاضي

[المقطع الرابع]
مالقيتش غير الغسالة تغسل يابا نيتكوا الوسخة
ده كلامكوا بقع بتبقع، طعم جراحكم حاجة ماسخة
أنا مش محتاج لزمايل، أنا صاحبتي يا إبن النازلة
ده الوش فيكوا بمية وش، المعنى النسخة بمية نسخة
[المقطع الخامس]
حُبك ساكن جوايا، أصل إنتي دوايا، علاج نفسي
حبيت أمك يا غزالتي، اللي يزاولك بقى خصمي
إنتي أشيك من موناليزا، جسمك كيرڤي، بطل رسمي
أنا دبله بنت حياتي كاتب إسمها زائد إسمي
أنا هطلع بيكي ع الساحل وهنركب لانش العُشاق
وهنرقص أحلى سلو، أنا وإنتي لبعض بنشتاق
أنا عُمري ما أسيبك مرة، أنا مش حِمل لأي فراق
قلبك بحر مغرقني، باجي في حضنك أنا بغرق

[الخاتمة]
في جهتنا هتعمل هيرو أو تتشاقى هتتخيط
دي جهتنا يابا العوايد وعزبة محسن بتخرط
أحمد تاتور المتألق، عمرو تاتور المتسيط
بكار البوهي ملك البوابة، تزاوله يلا تعيط
حمو الطيخا الأفيونة صوته يابا سمع أي مكان
ماندو العالمي بيوزع، توزعتك تعمل قلبان
شمس الناسف ده مجازف، كلامه يابا عمل إحتلال
مؤمن نبوي وسمير نبوي إدارات فوق الخيال