Chi è che cummanna
Nun se capisce ‘cchiù
Ce steve primma io
No, ce stive primma tu
Levateve ‘a nanze, levate ‘stì ‘mmane
Chiudite ‘stà porta, turnate dimane
J che Babbilonia, j che Babbilonia!

Nu tiene ‘o permesso
Accà nun se passa
Ma chi se ne fotte
Si ‘ semaforo è russo
Cercammo n’appalto ‘ncoppa ‘o cummune
Vintotto miliarde, treciento miliune
J che Babbilonia, j che Babbilonia

Chiammate a Gennaro
Cercate a Gigino
Stà abbascio Agnano
O ‘ncoppa ‘o Pennino
Piliateve ‘e solde, tre pacche ‘e cambiale
Chiuditeve a dinta, cu ‘e foglie ‘e giurnale
J che Babbilonia, j che Babbilonia

Scennite a coppa ‘e segge, scennite a coppa ‘o tram
Chedè 'sta ammuina coccuno me chiamma
Ce stanno 'e culumbe ‘o palazzo ‘e rimpetto
Ce stanno e guagliune c’alluccano a sotto!...
Accatateve ‘a curva
Vulite ‘o ridotto
Chiammate ‘a finanza
‘o telefono è rutto
Scassammo ‘a vetrata
Scassammo ‘o lampione
Ma basta ca jucammo, jucammo a pallone

Scassammo tutt’ ‘e segge, scassammo tutt’ ‘e laste
Vedimmecene buono, ca nun pagammo tasse
Adoppo o’ Sferisterio, levammece ‘o sfizio
Appicciammo ‘mbaranza pure ‘o palazzo ‘e giustizia!...