D'sun geht grod auf, hob scho wieder ned gschlaffn
De zeit ziagt ganz langsam vorbei

Seit vier, fünf stund, schau i löcher in d'wand
Und mein kopf kriag i einfach ned frei

Desmoi hät i gmoant des ganze laft
Vo ganz alloa
I dua einfach bloß genauso weiter
Wia davor

"du" hob i gsogt "hör moi zua" vor acht Tag
Des mit uns is jetz leider vorbei

Nimms ned so schwaar und mei, leid duads mir a
Ganz was bsonders werst du für mi bleim

War vielleicht ned so fein
Kannt scho sei
Des was jetzt übrig bleibt
Duad ma leid

Werd oiwei schlimmer, egal was i mach
I denk oiwei nur immer an di

Essen schmeckt nimmer, de hemader stingan
Do leg i mi glei wieder hi