Leit, heit is' endlich so weid
Seit Wochen hamma uns drauf gfreit
Heid geh i, so vui is gwieß
Auf unser scheene Volksfestwies

Im Dorf da heard ma d'Musi scho
Da Werd zapft's erste Fassl o
Japaner, Preißn und Franzosn
Zoangn stoiz ihre Lederhosn

De Irmi in ihrm Dirndlgwand
De drogt zweif Massen umanand
Sie steid ma oane her an Disch
De Anni bringt an Steckerlfisch

Wia soist do ned zfrieden sei
Bei dera ganzen Schlemmerei
Mit bierbedingtem Schleierblick
Fehlt mir grod gor nix zu meim Glick

Es merkt, mit 3,4 mass im Gsicht
Da Jupp wia ean da Hafer sticht
Is sonst a ganz a Schüchterner
Doch sonst is'ar a nüchterner

Mit ungehemmtem Selbstvertraun
Macht er der Vroni scheene Aung
De waar a durchaus intressiert
Wenn nur ned mitm Hans liiert