I kon mi guat an ihre sonderbaren aung erinnern
Warn scho so komisch gnua und mit der bruin wars no vui schlimmer
Des quietschen wenn sie glacht hod an des denk i woi für immer
Ois foid ma ei doch ihran nam den woaß i lang scho nimmer

In ihre haar warn immer frische geibe ringlbleame
De geiben ringlbleame hods anscheinend ziemlich gern meng
Gredt mit eana, glacht mit eana, recht vui bledsinn gmacht mit eana
Sonst hod koaner mit ihr glacht es is einfach zum reahrn gwen

Wenn de anderen drunt im pausenhof am boi nochglaffa san
Is sie ganz aloa am fenster gsitzt und hod in dog nei dramd
Koana woid sie in der mannschaft alle hamses oft dableckt
Und ham ihra dicke bruin ganz gern im buamaklo vasteckt

Ois hods ausprobiert und immer gschaut wos d'leit erwarten
Erniedrigungen san ihr nur de wenigsten erspart bliem
Ned oamoi hod si an flaschen draht auf klassenfahrten
Ois was ihr übrig bliem is, war, auf d'chance zum warten

Ringlbleame fliag amoi...
Ringlbleame bloß oamoi...

Zehn jahr san verganga und jeder hod sein weg no gmacht
Künstler, Manager, Bankier, alle hamses recht weit bracht
Glangweilt hear i mir de gschichtn o weil ses so gern verzein
Beim dritten lass i mir vom kellner glei an schnaps herstelln