[المقطع الأول]
هذي الرسالة عارف إنها ما راح تكون مسموعة
لصاحب الشأن اللي كنت أنا أنتظر رجوعه
على أمل اخفف من الآلام روحي الموجوعة
لو جا قدر الله، ما حد يقدر يرد وقوعه
آمنت بالله، بالوالدين احسان
قبل التحية اخترتها لسطوري عنوان
سلام يا والد، كيف حالك؟ عساك شفت النعيم؟
ما نسيتك كل يوم ادعي لك في النعيم تقيم
تسأل عن حالي؟ طيب، بس شينه فقدتك
أمي تحكيني عنك زادت قلبي محبتك
كأنو يقولوا إنك مسافر، طويلة رحلتك
عشان أنام وأنا صغير، كنت اشم مخدتك
وأتأمل صورتك وجوارحك
وفي الزحام اطالع في وجوه الناس اقارنها بملامحك
على أمل إني أصادفك في أي تارة
واجيبك البيت معي وأزف لأهلي البشارة
كان لما يدق جرس الدار، اجري واسوي لويه
أسابق اخواني في بالي أقول ممكن يطلع أبويه
ههه، هذي أحلام الأطفال
ضحكت يالغالي، ولدك كان واسع الخيال

[اللازمة]
الغالي اللي نحبه
والجناح اللي محتوينا جنبه
الأمان لنا في قربه
مكانا قلبه
الله يحفظك يا بابا
أبتي لله دره
عسى ربي يطولنا في عمره
تاج الراس كيف ما نبره
ما نخالف أمره
الله يحفظك يا بابا
[المقطع الثاني]
أول يوم في الدراسة، أولى ابتدائي
في ظهري شنطتي وأمي لبستني ردائي
على باب المدرسة كان هناك معلمين
إبن يقبل اليدين وأب يقبل الجبين
ابشرك صرت أفك الخط واعرف الألف باء
علموني ديني والتوحيد وعندي أصدقاء
بس اللي كنت ما احبه واعتبره منهم غباء
لما يطلبوا مني حضورك مجلس الآباء
ما علينا، خلصت الدراسة وأخذت الشهادة
فرحت أمي فيني واخوتي غمرتهم السعادة
شقيت طريقي وحدي كنت أصارع الأمواج
أمي علمتني في الدنيا غير الله لا تحتاج
خيرك سابق ومغطينا، حتى وإنت تحت الأرض
بس لابد أكد بنفسي، أمان من أي قرض
إشتغلت في أربع وظايف بدال الوظيفة
رواتب قليلة وأنا عالي عندي السقيفة
نجحت في مجالي أصبحت جدة تعرفني
صار ليا صيت وناسي تحبني وتدعمني
ولو أن أعدائي كثار يتمنوا لي الرداءة
لا تخاف عليا ولدك كاسر عيون أعدائه

[اللازمة]
الغالي اللي نحبه
والجناح اللي محتوينا جنبه
الأمان لنا في قربه
مكانا قلبه
الله يحفظك يا بابا
أبتي لله دره
عسى ربي يطولنا في عمره
تاج الراس كيف ما نبره
ما نخالف أمره
الله يحفظك يا بابا
[المقطع الثالث]
ما طولت معايه، بس لك في بالي ذكريات
تخصني معاك، ما انساها حتى الممات
كأنها ومضات، تمر في بالي وتروح
لكنها رغم الضبابية تسعد لي الروح
اسأل عنك المعارف، بالطيب يذكروك
يذكرون أدق تفاصيلك لليوم ما ينسوك
أسمع من الأقارب وأصحابك اللي يحبوك
إنت أكثر واحد من بين أخوانك تشبه أبوك
يالا فخري العظيم، لما اسمع ذي العبارة
ماهي فقط تشريف، هي لي تكليف وجدارة
بقدر الاستطاعة أمشي على خطآك
إنت خليت كل من عاشرك يدعي لمن رباك
وإذا انجمعوا الناس ليوم شهق الانفاس
أسأل الله أن تكون مرفوع الهامة والرأس
أبيض الوجه تنزف للجنه زف الأعراس
ّسندس اللبوس، على الارائك جلاس
وأنا بسعي في الدنيا انّ أعمل الصالح الزين
واصبر فيها، على قسوةّ البعد البين
عسى يشفع لي عند الله، مُحمّد النبي
وعند حوضه يا أبي أشوفك شوفة العين

[اللازمة]
الغالي اللي نحبه
والجناح اللي محتوينا جنبه
الأمان لنا في قربه
مكانا قلبه
الله يحفظك يا بابا
أبتي لله دره
عسى ربي يطولنا في عمره
تاج الراس كيف ما نبره
ما نخالف أمره
الله يحفظك يا بابا