[Verse 1]
As I rode down by Brig o Dye
And past yon hill o broom
A maiden sang right merrily
Juist as the sun gaed doun
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 2]
Well, I lighted aff my dapple grey
And walked by her side
Sayin, lassie, I hae lost my way
Upon your moor sae wide
Oh, waur me o your face sae fair
Yer een sae bonnie blue
And the longest day, I blithely share
Tae kiss yer cherry mou

[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end
[Verse 3]
Oh, lassie will ye gang wi me
And leave your cauld richt glen
Wi a my kin, ye'll bear the gree
Thare's wealth baith but and ben
Wi silks and satins, busket braw
And ribbons for yer hair
And maids tae answer when ye caw
So can ye wish for mair

[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 4]
Oh, lassie ye maun think a wey
My lands are far and wide
I've gold in banks and ships at sea
Sae come and be my bride
My faither's left me lordships twa
A coach at my command
I'll mak ye lady o thaim aw
If ye'll gie me yer hand
[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 5]
Oh, lassie, think yer Donald's poor
Has neither horse nor cou
A shepherd stragglin ower the moor
Is no a match for you
Oh, Cairn o Mount is bleak and bare
And cauld lies Clachnaben
And I'd rather meet my Donald here
Than be fair Scotland's Queen

[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 6]
Oh, lassie, I am loath tae tell
You throw yer love awa
Your Donald brawly kens himsel
Last gloamins what I saw
As I rode by his sheilin door
I spied a Hielan' maid
And yer Donald kissed her ower and ower
And rolled her in his plaid
[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 7]
Would you swear a solemn oath
What you hae told tae me
I wadnae dread my Donald's faith
But say base loun, ye lee
It's he's thrown aff his Lawland dress
Combed down his yellow hair
Sayin, lassie you've been true tae me
And now we'll part nae mair

[Chorus]
Sayin, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end

[Verse 8]
Nae mair I'm shepherd o the glen
But laird ayont the Dee
And since ye hae been true tae me
I'll aye prove true tae thee
Oh, Cairn o Mount is bleak and bare
And cauld lies Clachnaben
And you can see the snaw lyin thare
Alang the summer's end