[Verse 1]
Thare wis a woman lived in the north
Aye, wi the rose and the lindsey-o
She has coorted her faither's clerk
Doun by the Greenwood sidie-o

[Verse 2]
She's coorted him for a year and a day
Aye, wi the rose and the lindsey-o
Til her great belly did her betray
Doun by the Greenwood sidie-o

[Verse 3]
She's leaned her back against a tree
Aye, wi the rose and the lindsey-o
Thinkin that she might lichter be
Doun by the Greenwood sidie-o

[Verse 4]
She's leaned her back against a thorn
Aye, wi the rose and the lindsey-o
Bonnie's the boys that she haes borne
Doun by the Greenwood sidie-o

[Verse 5]
But she's taen oot her wee penknife
Aye, wi the rose and the lindsey-o
And she has taen the bairnies' lives
Doun by the Greenwood sidie-o
[Verse 6]
She's buiried thaim neath a marble stane
Aye, wi the rose and the lindsey-o
Thinkin tae gang a maiden hame
Doun by the Greenwood sidie-o

[Verse 7]
She wis lookin ower her faither's castle waw
Aye, wi the rose and the lindsey-o
She spied twa bonnie boys playin at the baw
Doun by the Greenwood sidie-o

[Verse 8]
"Oh, bonnie bairns, gin ye were mine,"
Aye, wi the rose and the lindsey-o
"I'd dress ye up in silk sae fine,"
Doun by the Greenwood sidie-o

[Verse 9]
"Oh, mither dear, fan we were thine,"
Aye, wi the rose and the lindsey-o
"We niver saw ocht o the silk sae fine,"
Doun by the Greenwood sidie-o

[Verse 10]
"Bonnie bairns, come tell tae me,"
Aye, wi the rose and the lindsey-o
"Fit kind o death I'll hae tae dee,"
Doun by the Greenwood sidie-o
[Verse 11]
"Seven years a bird in the wood,"
Aye, wi the rose and the lindsey-o
"Seven years a fish in flood,"
Doun by the Greenwood sidie-o

[Verse 12]
"And seven years at the warnin bell,"
Aye, wi the rose and the lindsey-o
"Seven years in the depths o hell,"
Doun by the Greenwood sidie-o

[Verse 13]
Oh, welcome, welcome, bird in the wood
Aye, wi the rose and the lindsey-o
Welcome, welcome, fish in the flood
Doun by the Greenwood sidey-o

[Verse 14]
And welcome, welcome tae the warnin bell
Aye, wi the rose and the lindsey-o
God keep me oot o the depths o hell
Doun by the Greenwood sidie-o