[Verse 1]
Fa the deil hiv we gotten for a king
But a wee, wee German lairdie
Fan we gaed tae bring him hame
He wis delvin in his yairdie
He wis sheuchin kail and pouin leeks
Aye but the hose and but the breeks
Wi his beggar duds, he cleeks
Ye wee bit German lairdie

[Verse 2]
He's clappit doun in wir guidman's chair
This wee bit German lairdie
And he's put forth o foreign trash
And dibbled thaim in his yairdie
He's poud the rose o English louns
Broke the harp o Irish clouns
Our thistle taps will jag his thoums
Ye wee bit German lairdie

[Verse 3]
Come up amangst wir Hieland hills
Ye wee bit German lairdie
And see how Stuart's lang kail thrive
We've dibbled in wir yairdie
Whaur if a stalk ye daur tae pou
Haud the yokin o a plou
We'll brak yer sceptre ower yer mou
Ye wee bit German lairdie
[Verse 4]
Our hills are steep, our glens are deep
Nae fittin for a yairdie
For Norland thistles winna pou
Ye wee bit German lairdie
For we've the trenchin blades o weir
Wad rob ye o yer German gear
Ye'll pass beneath the claymore's shear
Ye feckless German lairdie

[Verse 5]
Scotland, thou'rt ower caul' a hole
For nursin siccan vermin
But the very hounds o the English court
Thay bark, thay howl in German
So keep thy dibble in thine ain hand
Thy spade and but thy yairdie
For wha the deil now claims yer land
But a wee, wee German lairdie