[Verse 1]
Johnny arose on a Mey mornin
Gone for watter tae wash his hands
He hae lowsed tae me o his twa gray dugs
That lie bound in iron bands

[Verse 2]
When Johnny's mother, she heard on this
Her hands for dule she wrang
Cryin, "Johnny, for yer venison
Tae the green woods dinna ye gang."

[Verse 3]
Aye, but Johnny hae taen his guid benbow
His arrows one by one
Aye, and he's awa tae the green wood gaen
Tae dae the dun deer doun

[Verse 4]
Oh, Johnny, he shot, aye, the dun deer she lapped
Hе wounded her in the sidе
Aye, between the watter and the wood
The gray dugs laid thair pride

[Verse 5]
It's by thare cam a silly auld man
Wi an ill that John he might dae
Oh, and he's awa doun tae Esslemont
Weel, the King's seven foresters tae see
[Verse 6]
It's up and spake the first forester
He was heid yin amang thaim aw
"Can this be Johnny o Braidislee?
Untae him we will draw."

[Verse 7]
And the first shot that the foresters thay fired
Thay wounded John in the knee
And the second shot that the foresters thay fired
Weel, his hert's blood blint his ee

[Verse 8]
But he's leaned his back against an oak
Aye, and his foot against a stane
Oh, and he hae fired on the seven foresters
And he's killed thaim aw but ane

[Verse 9]
Aye, he hae breuk fower o this man's ribs
His airm and his collar bane
Oh, and he hae sent him on a horse
For tae carry the tidins hame

[Verse 10]
Johnny's guid benbow, it lies broke
His twa gray dugs, thay lie deid
And his body, it lies down in Monymusk
And his huntin days are daen
His huntin days are daen