[Verse 1]
The pipie is dozie, the pipie is fou
He winna be roon' for his vino the day
And the sky ower Messina, it's unco and gray
Aw the bricht chaumers are eerie

[Verse 2]
Oh, fare ye weel, ye Banks o Sicily
Aye, fare ye weel, ye valley and shaw
Thare's nae Jock will mourn the kyles o ye
Aw the bricht chaumers are eerie

[Verse 3]
Oh, fare ye weel, ye Banks o Sicily
Fare ye weel, ye valley and shaw
Thare's nae hame will smuir thе wales o ye
Puir bloody squaddies arе weary

[Verse 4]
Sae doun the stair and line the watterside
Wait yer turn, the ferry's awa
Doun the stair and line the watterside
Aw the bricht chaumers are eerie

[Verse 5]
The drummie is polished, the drummie is braw
He canna be seen for his webbin ava
He's beezed himsel up for a photie and aw
Tae gie tae his Lola, his dearie
[Verse 6]
Oh, fare ye weel, ye dives o Sicily
Fare ye weel, baith sheilin and haw
We'll aw myn' shebeens and bothies far
Kind señorinas war cheery

[Verse 7]
Oh, fare ye weel, ye dives o Sicily
Fare ye weel, baith sheilin and haw
We'll aw myn' shebeens and bothies far
Jock made a date wi his dearie

[Verse 8]
So tune the pipe and drub the tenor drum
Leave yer kit tae the side o the waw
Tune the pipe and drub the tenor drum
Aw the bricht chaumers are eerie