(Ane, twa, three, fower)

[Verse 1]
Oh, ye Scots wirkin men
Ye've gaen crazy, I fear
Every day ye maun hae
Yer bit beef and yer beer
Little ken ye I nou
Tho ye'll suin come tae learin
That yer natural food
Is but tatties and herrin

[Chorus]
Tatties and herrin
Tatties and herrin
Yer natural food
Is but tatties and herrin

[Verse 2]
Wi a pound in the week
Ye maun fair be content
Ye've aye got ten shillins
For claes and for rent
Twa and six tae pit by
Gin ye need tae be sparin
Aye, and seiven and sixpence
For tatties and herrin
[Chorus]
Tatties and herrin
Tatties and herrin
Aye, seiven and sixpence
For tatties an' herrin

[Verse 3]
Fan the herbour o refuge
Wis first thocht aboot
Aiberdeen and Stanehive
Thay were fair pitten oot
Fan thay heard that the convicts
War gettin best farin
Aye, on guid Buchan tatties
And Peterheid herrin

[Chorus]
Tatties and herrin
Tatties and herrin
Aye, guid Buchan tatties
And Peterheid herrin

[Verse 4]
Fan the queen's wantin men
Tae gang fecht wi her foes
It's nae tae the roast beef
Devourers she goes
But awa tae the north
'mongst the brave and the darin
Tae the lads that were brocht up
On tatties and herrin
[Chorus]
Tatties and herrin
Tatties and herrin
Tae the lads that were brocht up
On tatties and herrin
Tatties and herrin
Tatties and herrin
Tae the lads that were brocht up
On tatties and herrin