[Intro]
Tae the beggin I will go, will go
Tae the beggin I will go

[Verse 1]
O aw the trades a man can try
The beggin is the best
For when the beggar's weary
He can juist sit doun and rest
Tae the beggin I will go, will go
Tae the beggin I will go

[Verse 2]
First, I maun get a mealpoke
Made oot o leather reid
And it will haud twa firlots
Wi room for beef and breid
Tae the beggin I will go, will go
Tae the beggin I will go

[Verse 3]
Afore that I do gang awa
I'll let my beard graw strang
And for my nails, I winna pair
For a beggar wears thaim lang
Tae the beggin I will go, will go
Tae the beggin I will go
[Verse 4]
I'll gang tae find some greasy keuk
And buy fae her a hat
Wi twa-three inches o a rim
And glitterin ower wi fat
Tae the beggin I will go, will go
Tae the beggin I will go

[Verse 5]
Syne I'll gang tae a turner
And gar him mak a dish
And it maun haud three chappins
For I coudna dae wi less
Tae the beggin I will go, will go
Tae the beggin I will go

[Verse 6]
I'll gang tae seek my quarters
Afore that it growes dark
Juist when the guidman's sittin doun
And new-hame frae his wark
Tae the beggin I will go, will go
Tae the beggin I will go

[Verse 7]
Syne I'll tak oot ma muckle dish
And stap it fou o meal
And say, "Guidwife, gin ye gie me bree
I winna seek yer kail,"
Tae the beggin I will go, will go
Tae the beggin I will go
[Verse 8]
And maybe the guidman will say
"Puir man, put up yer meal
Ye're welcome tae yer brose the nicht
Likewise your breid and kail,"
Tae the beggin I will go, will go
Tae the beggin I will go

[Verse 9]
If thare's a weddin in the toun
I'll airt me to be thare
And pour my kindest benison
Upon the winsome pair
Tae the beggin I will go, will go
Tae the beggin I will go

[Verse 10]
And some will gie me breid and beef
And some will gie me cheese
And I'll slip out among the folk
And gaither up bawbees
Tae the beggin I will go, will go
Tae the beggin I will go
Tae the beggin I will go, will go
Tae the beggin I will go
Tae the beggin I will go, will go
Tae the beggin I will go