[Verse 1]
In Forfar country I was born
But faith I div think shame, sir
Tae tell o the weary life I led
Afore I left my hame, sir
Hurra, hurra, wi my tilt a fal air al aye doh

[Verse 2]
My faither was a weaver poor
As iver reeled a spool, sir
And niver was meat came tae wir door
But juist a pun at Yule, sir
Hurra, hurra, wi my tilt a fal air al aye doh

[Verse 3]
When I was six, I gaed tae school
Because it was the fashion
And ivery Sunday tae the kirk
Tae save me o a thrashin
Hurra, hurra, wi my tilt a fal air al aye doh

[Verse 4]
Thay learnt me thare tae read and write
And learnt the rule o three, sir
But a nobler thought came tae my mind
A sodger I would be, sir
Hurra, hurra, wi my tilt a fal air al aye doh
[Verse 5]
So I gaed doun tae Forfar town
All in the Forfar County
And I signed up wi Sergeant Brown
For forty pounds o boonty
Hurra, hurra, wi my tilt a fal air al aye doh

[Verse 6]
Thay gaed me claes tae hap ma back
And mittens for my hands, sir
Swore I was the bravest chiel
In aw the Hielan' clan, sir
Hurra, hurra, wi my tilt a fal air al aye doh

[Verse 7]
We spent the maist o aw our time
Juist marchin up and doun, sir
Wi a feather bonnet tae wir cap
And peuthered tae wir croun, sir
Hurra, hurra, wi my tilt a fal air al aye doh

[Verse 8]
Bit fegs thay gart me change ma tune
And sent me aff tae Spain, sir
Thare war forty regiments in a row
Came marchin ower the plain, sir
Hurra, hurra, wi my tilt a fal air al aye doh
[Verse 9]
For three long days and nichts we focht
I thought 'twould never end, sir
Til a bullet came fusslin throu ma leg
And I up and fired again, sir
Hurra, hurra, wi my tilt a fal air al aye doh

[Verse 10]
The surgeon came and dressed ma wounds
He said I would be lame, sir
But I got haud o twa oxter staffs
And I came hirplin hame, sir
Hurra, hurra, wi my tilt a fal air al aye doh

[Verse 11]
Nou aw the things that I've been throu
I've scarcely time tae mention
For now I'm back in Forfarshire
And livin fae my pension
Hurra, hurra, wi my tilt a fal air al aye doh
Hurra, hurra, wi my tilt a fal air al aye doh
Hurra, hurra, wi my tilt a fal air al aye doh
Hurra, hurra, wi my tilt a fal air al aye doh